Slovakiyanın Baş naziri Peter Pelleqrini Azərbaycana rəsmi səfərə gəlib
Slovakiyanın Baş naziri Peter Pelleqrini noyabrın 12-də Azərbaycana rəsmi səfərə gəlib.
Hər iki ölkənin dövlət bayraqlarının dalğalandığı Heydər Əliyev Beynəlxalq Aeroportunda Slovakiya Baş nazirinin şərəfinə fəxri qarovul dəstəsi düzülmüşdü.
Hərbi orkestrin ifasında Slovakiyanın və Azərbaycanın dövlət himnləri səslənib.
Slovakiyanın Baş naziri Peter Pelleqrinini hava limanında Baş nazirin müavini Əli Əhmədov və digər rəsmi şəxslər qarşılayıblar.
Bu dəqiqələrdə Bakıda, Gülüstan sarayında Azərbaycan Respublikasının Prezidenti İlham Əliyevin himayəsi altında və Nizami Gəncəvi Beynəlxalq Mərkəzinin təşkilatçılığı ilə “Parçalanmış dünyanın bərpası” mövzusunda XI Qlobal Bakı Forumu keçirilir.