"Quş qripi" ilə bağlı monitorinqlərin NƏTİCƏLƏRİ açıqlanıb
Noyabr ayının 12-dən 16-dək Qida Təhlükəsizliyi Agentliyi tərəfindən ölkə ərazisində yüksək patogenli quş qripi xəstəliyi ilə bağlı monitorinqlər həyata keçirilib.
Qida Təhlükəsizliyi Agentliyindən Trend-ə verilən məlumata görə, agentlik və regional bölmələrinin (2, 3, 5, 6, 11 saylı), Milli İstinad Laboratoriyası, Quba, Bərdə, Salyan, Lənkəran Regional Sınaq Laboratoriyalarının nümayəndələri, Azərbaycan Respublikasının Kənd Təsərrüfatı Nazirliyi yanında Dövlət Baytarlıq Xidməti, Ekologiya və Təbii Sərvətlər Nazirliyinin və Respublika Taun Əleyhinə Stansiyasının mütəxəssisləri və əməkdaşlarının iştirakı ilə keçirilən monitorinqlər çərçivəsində xəstəlik əlamətləri müşahidə edilən və ya tələf olunan quşların cəsədinə rast gəlinməyib.
Quş qripi xəstəliyinə görə Abşeron yarımadası, Şabran, Lənkəran və Ağcabədi rayonlarındakı milli park və qoruqlarda, su-bataqlıq əraziləri, eləcə də respublikanın dənizsahili zonalarının ərazilərində aparılan monitorinqlər zamanı seçmə üsulla ovlanaraq götürülən müxtəlif növlərə aid 43 baş çöl quşunun patoloji materialı və Tərtər rayonu da daxil olmaqla qeyd edilən rayonlara ölkəmizin ayrı-ayrı həyətyanı təsərrüfatlarından gətirilən 276 baş ev quşunun qan nümunələri Azərbaycan Qida Təhlükəsizliyi İnstitunun Milli İstinad Laboratoriyasına təhvil verilib.
Qeyd edək ki, nümunələrin analizinin nəticələri barədə ictimaiyyətə geniş məlumat veriləcək.
Novruz bayramı ilə əlaqədar martın 19-da bütün müavinət, təqaüd, kompensasiya və ünvanlı dövlət sosial yardımlarının qrafikdən əvvəl ödənilməsi nəzərdə tutulub.
17 mart tarixindən etibarən həftəsonları Xaqani bağının yaxınlığındakı küçələrdə nəqliyyatın hərəkəti məhdudlaşdırılacaq. Belə ki, paytaxtın Zərifə Əliyeva (Rəsul Rza küçəsi ilə kəsişmədən sonra), Əbdülkərim Əlizadə, Tərlan Əliyarbəyov və Yusif Məmmədəliyev küçələrində nəqliyyat vasitələrinin girişinə məhdudiyyət tətbiq olunacaq və bu ərazilər piyadaların istifadəsinə veriləcək.
Qadınlar öz uşaqlarından əlavə uşaqları övladlığa və (və ya) qəyyumluğa götürüb səkkiz yaşınadək tərbiyə etdikdə və bu uşaqların sayı qadının öz uşaqları ilə birlikdə 5 və ya daha çox olduqda həmin şəxslər çoxuşaqlı ana kimi 5 il erkən pensiya hüququ əldə edirlər.