banner
banner

Sİyasət

Girovlarla bağlı yeni Tiflis görüşü baş tutmadı

| Xəbər 1295 dəfə oxunub
Girovlarla bağlı yeni Tiflis görüşü baş tutmadı

Bununla əlaqədar məlumat mərkəzi yaradılıb

Azərbaycanlı əsir və girovlarla bağlı məlumat mərkəzi fəaliyyətə başlayıb. Bu barədə “Yeni Müsavat” qəzetinə Azərbaycan Demokratiya və İnsan Haqları İnstitutunun rəhbəri, hüquq müdafiəçisi Əhməd Şahidov məlumat verib. Onun sözlərinə görə, Azərbaycan Demokratiya və İnsan Haqları İnstitutunun xüsusi layihəsi olan bu mərkəzin əsas məqsədi Dağlıq Qarabağ münaqişəsi zamanı və ondan sonrakı dövrlərdə əsir və itkin düşmüş, girov götürülmüş Azərbaycan vətəndaşları ilə bağlı məlumatları dünya ictimaiyyətinə çatdırmaq, onların azadlığa buraxılması istiqamətində hüquqi işlərlə yanaşı, geniş təbliğat-təşviqat fəaliyyəti aparmaq, dünya ictimaiyyətinin diqqətini azərbaycanlı əsir və girovların azadlığa buraxılması məsələsinə yönəltməkdir. Mərkəzin internet saytı www.hostages.az ünvanında yerləşir və gündəlik olaraq, Azərbaycan, rus və ingilis dillərində yenilənir. Bu, həm də erməni cəmiyyətinə bütün gerçəkləri çatdırmağa imkan verəcək.

Əhməd Şahidov onu da bildirib ki, Cənubi Qafqazda münaqişələrdə əsir və itkin düşmüş şəxslərin Axtarışı üzrə Beynəlxalq İşçi Qrupunun təşəbbüsü ilə noyabrın sonlarında Azərbaycanın və Ermənistanın Əsir düşmüş, Girov götürülmüş, İtkin Düşmüş Şəxslərlə bağlı Dövlət Komissiyalarının Tiflisdə görüşü keçirilməliydi. Lakin Ermənistanın qeyri-konstruktiv mövqeyi üzündən görüş reallaşmayıb.



Daha tez məlumatlanmaq üçün Facebook səhifəmizi