Səməd Vurğunun 110 illiyinə həsr edilmiş müsabiqənin qalibləri mükafatlandırılıb
Dekabrın 27-də Azərbaycan Yazıçılar Birliyinin (AYB) “Natəvan” klubunda “Zəka İşığında” İctimai Birliyinin təşkilatçılığı ilə Xalq Şairi Səməd Vurğunun anadan olmasının 110 illiyinə həsr edilmiş “Səməd Vurğun və aşıq müasirlərinin yaradıcılığında Vətən konseptinin öyrənilməsi və gənclər arasında vətənpərvərlik ideyasının təbliği” mövzusunda konfrans keçirilib.
Konfrans AMEA-nın Nizami adına Ədəbiyyat İnstitutu, Azərbaycan Respublikasının Prezidenti yanında Bilik Fondu, Azərbaycan Yazıçılar Birliyi, Mədəniyyət və Turizm Nazirliyi, Türkiyə Elm və Ədəbiyyat Əsərləri Sahibləri Məslək Birliyi (İLESAM) və Səməd Vurğunun ev-muzeyinin təşkilatçılığı ilə reallaşıb.
Tədbir “Səməd Vurğun sənəti müasir ədəbi-ictimai reallıqlar kontekstində”, “Tənqidin Səməd Vurğun hədəfi”, “Səməd Vurğun dramaturgiyasında müəllif və qəhrəman”, “Səməd Vurğun və teatr”, “Səməd Vurğunun dili” mövzularında məruzələr dinlənilib.
Konfrans çərçivəsində şairin 110 illiyinə həsr edilmiş müsabiqənin qalibləri mükafatlandırılıb.
Qaliblərə “Zəka İşığında” Milli Dəyərlərin Təbliğinə Yardım İctimai Birliyinin (İB) təsis etdiyi “Milli zəka” diplomu və pul mükafatları təqdim edilib.
Sonda İB-nin təsis etdiyi “Milli Zəka” jurnalının Xalq Şairi Səməd Vurğuna həsr etdiyi “Səməd Vurğun 110” xüsusi buraxılışının da təqdimatı olub.
Mədəniyyət Nazirliyinin tabeliyinidə fəaliyyət göstərən “Əsaslı Tikinti və Təchizat” MMC “Azərmətbuatyayımı” ASC (VÖEN-1500515761) ilə satınalma müqaviləsi imzalayıb.
Əməkdar artist Aygün Bəylərin vəfatından sonra sosial şəbəkələrdə ona Xalq artisti fəxri adının verilməməsi müzakirələrə səbəb olub. Sosial şəbəkə istifadəçiləri bu məsələdə keçmiş nazir Əbülfəs Qarayevi günahlandırıblar.
Fransanın Paris şəhərində fəaliyyət göstərən Azərbaycan Evi ölkənin Evian-lö Bən şəhər bələdiyyə şurasının “Azərbaycan Bağı” ilə bağlı qərarı və parkda yerləşən Azərbaycan şairəsi Xurşidbanu Natəvanın abidəsi ətrafında yaranmış təhlükə ilə bağlı müraciətlə çıxış edib.