Azərbaycanlı qələm sahibləri İLESAM-a üzv seçiliblər
Azərbaycan Yazıçılar Birliyinin (AYB) “Natəvan” klubunda İLESAM-ın (Türk Elm və Ədəbiyyat Sahibləri Məslək Birliyi) toplantısı keçirilib.
İLESAM-ın Azərbaycan üzrə təmsilçisi, AYB-nin mətbuat xidmətinin rəhbəri Xəyal Rza iki qardaş xalqın ədəbiyyatının böyük uğurlarından danışıb. Bildirib ki, son 5-10 ildə azərbaycanlı müəlliflərin Türkiyədə, türk müəlliflərin isə Azərbaycanda tanıdılması üçün böyük işlər görülüb.
İLESAM-ın rəhbəri, tanınmış türk şairi və ədəbiyyatçısı Mehmet Nuru Parmaksız Bakıya gəldiyi gündən özünü doğmalar arasında hiss etdiyini vurğulayaraq, əslində hər iki xalqın ortaq mədəniyyətləri paylaşdığını vurğulayıb. O, S.Vurğun, R.Rza, B.Vahabzadə, X.R.Ulutürk, İ.Əfəndiyev və digər şair və yazıçıların kitablarının Türkiyədə nəşr edildiyini, müasir yazıçılardan Elçinin, Anarın və başqalarının əsərlərinin türk teatrlarında səhnəyə qoyulduğunu söyləyib.
O, rəhbərlik etdiyi qurumun bütün türkəsilli xalqları əhatə etdiyini, gələcəkdə müştərək konfransların, simpoziumların, toplantıların, festival və bayramların keçiriləcəyini vurğulayıb.
Sonda əsərləri qurum tərəfindən qəbul edilən müəlliflərə İLESAM-ın vəsiqələri və döş nişanları təqdim olunub.
Mədəniyyət Nazirliyinin tabeliyinidə fəaliyyət göstərən “Əsaslı Tikinti və Təchizat” MMC “Azərmətbuatyayımı” ASC (VÖEN-1500515761) ilə satınalma müqaviləsi imzalayıb.
Əməkdar artist Aygün Bəylərin vəfatından sonra sosial şəbəkələrdə ona Xalq artisti fəxri adının verilməməsi müzakirələrə səbəb olub. Sosial şəbəkə istifadəçiləri bu məsələdə keçmiş nazir Əbülfəs Qarayevi günahlandırıblar.
Fransanın Paris şəhərində fəaliyyət göstərən Azərbaycan Evi ölkənin Evian-lö Bən şəhər bələdiyyə şurasının “Azərbaycan Bağı” ilə bağlı qərarı və parkda yerləşən Azərbaycan şairəsi Xurşidbanu Natəvanın abidəsi ətrafında yaranmış təhlükə ilə bağlı müraciətlə çıxış edib.