ABŞ-ın Nyu-York şəhərində milyarder Rza Zərrab və “Xalqbank” rəhbəri Hakan Atilla ilə bağlı məhkəmə prosesi davam edib. “ABŞ Hakan Atillaya qarşı” məhkəmə prosesinin 10-cü günündə Cohen adlı şahid ifadə verib.
Digər şahid ABŞ Maliyyə Nazirliyinə bağlı Maliyyə Cinayətləri Agentliyində çalışan Coşua Kirçenbaumun da iş üzrə ifadəsi dinlənilib.
Şahidlik edənlərdən biri isə gülənçi olan, keçmiş polis rəisi köməkçisi Hüseyn Qorxmaz olub. O, Türkiyədən necə qaçdığını və qaçarkən 17 dekabra aid sənədləri necə özü ilə apardığını danışıb. Adı açıqlanmayan digər şahid türkcə ifadə verib. O, Hakkari və İstanbulda Zərrabın şirkətində çalışdığını deyib. Əlavə edib ki, şirkətin çətiri altında üç qrup olub. Üçüncü qrupa sabiq iqtisadiyyat naziri Zəfər Çağlayan və Süleyman Aslan, ikinci qrupa sabiq daxili işlər naziri Müəmmar Gülər, birinci qrupa isə prezident Rəcəb Tayyib Ərdoğan rəhbərlik edib.
Qorxmaz eyni zamanda “Xalqbank”ın keçmiş müdiri Süleyman Aslan barəsində də Türkiyədə aparılan istintaq zamanı “rüşvət, sənədlərdə saxtakarlıq və qara pul yuma” iddialarının ortada olduğunu deyib. O, eyni zamanda “Süleyman Aslanın rüşvət alması ilə bağlı həddən artıq dəlil var” söyləyib.
Zərrab isə məhkəmə ifadəsində bildirib ki, həbsdə olduğu müddətdə bir türmə nəzarətçisinə təxminən 45 min dollar rüşvət verib. O, Türkiyədən digər məsrəfləri ilə birlikdə göndərilən pulla bu rüşvətin də ödəndiyini deyib. “45 min dollar qarşılığında bu nəzarətçi mənə spirtli içki gətirdi. Bir neçə dəfə də onun cib telefonundan istifadə etdim. Həyat yoldaşımla, qızımla görüntülü, Türkiyədəki bir vəkilimlə, bir dəfə də dayım və bacımla danışdım” demişdi.
Bundan başqa, Zərrab türmədə hər məhkum üçün ayrılan 300 dəqiqəlik telefon danışıq limiti bitəndən sonra digər məhkumların da dəqiqələrini pul qarşılığında aldığını və narkotik maddə olan sintetik marixuana içdiyini də qəbul etmişdi.Sərraf “bunun qanun qarşısında bir cinayət olduğunu bilmirdim. Türmə qaydası ola bilər” deyib.
Bu işin maqazin tərəfi isə R.Zərrabın həyat yoldaşı ilə bağlıdır. Türkiyə mediası onun qızı ilə birlikdə yaşadıqları dənizkənarı villadan köçdüklərini yazıb. İndi başda bəzi siyasətçilər olmaqla, bir çox tanınmışlar o villanın sökülməsini tələb edirlər. “Bizi Amerikada biabır edən adam” deyə haqqında danışdıqları iş adamının villası isə bir çox tikinti xətalarına görə əslində sökülməlidir. İndi hər kəs bu villanın söküləcəyini səbirsizliklə gözləyir.
Prezident İlham Əliyev Şuşa şəhərinin 2024-cü il üçün “İslam Əməkdaşlıq Təşkilatının gənclər paytaxtı” seçilməsi ilə bağlı tədbirlər haqqında Sərəncam imzalayıb.
Hurriyyet.az xəbər verir ki, sərəncamda bildirilib ki, 2023-cü il noyabrın 10-da Türkiyə Respublikasının İstanbul şəhərində keçirilmiş İslam Əməkdaşlıq Təşkilatının Gənclər Forumu İcraiyyə Şurasının 11-ci iclasında Azərbaycanın mədəniyyət paytaxtı Şuşa şəhəri yekdilliklə İslam Əməkdaşlıq Təşkilatının “Gənclər Paytaxtı 2024” Beynəlxalq Proqramına 10-cu ev sahibi seçilib.
Sərəncama əsasən, Nazirlər Kabinetinə Şuşa şəhərinin 2024-cü il üçün “İslam Əməkdaşlıq Təşkilatının gənclər paytaxtı” seçilməsi ilə bağlı fəaliyyət planı hazırlayıb həyata keçirmək, bu Sərəncamdan irəli gələn digər məsələləri həll etmək tapşırılıb.
Eyni vaxtda üç jurnalist dindirilmə üçün Bakı Şəhər Baş Polis İdarəsinə çağırılıb. İnarə Hümbətova aprelin 16-da, Şəms Hacıyeva və Mina Əliyarlı isə aprelin 17-də dəvət olunub.
Cia.az xəbər verir ki, Gürcüstanın eks-prezidenti, hazırda həbsdə olan Mixail Saakaşvili "ölkədə birlik və hücum vaxtının gəldiyini" bəyan edib. O, sosial şəbəkədəki səhifəsində yazıb: "Birlik və hücum zamanıdır!"
Aprelin 15-də Gürcüstan parlamenti hakim "Gürcü arzusu" partiyasının fraksiyasının təqdim elədiyi "Xarici təsirin şəffaflığı" barəsində qanun layihəsinin müzakirəsinə başlayıb.
Rusiya Ədliyyə Nazirliyi 44 günlük müharibə dövründə maddi və mənəvi cəhətdən erməniləri dəstəklədiyini bildirən “Anderson” kafelər şəbəkəsinin rəhbəri Anastasiya Tatulovanı “xarici agent”lər siyahısına salıb. Milli Məclisin deputatı Əhliman Əmiraslanovun oğlu Azər Əmiraslanovun da Moskvanın Şkulyova küçəsindəki kafesinin adı “Anderson”dur. Yəni deputatın oğlunun Ermənistana maliyyə yardımı göstərən Tatulova ilə françayzinq müqaviləsi var və buna görə ona haqq ödəyir.