Türkiyənin Antalya şəhərində təlim-məşq toplanışında olan “Qəbələ” sabah ilk yoxlama oyununu keçirəcək. 2017-2018-ci illər mövsümünün ikinci yarısına hazırlıq çərçivəsində baş tutacaq qarşılaşma “qırmızı-qaralar”ın 2018-ci ildə ilk matçı olacaq. Yanvarın 5-dən qonşu ölkədə hazırlıq keçən Roman Qriqorçukun komandası Türkiyənin “Akhisar Bələdiyyəspor” klubu ilə görüşəcək. Bu mövsüm Superliqada keçirdiyi 17 oyundan sonra 19 xal toplayan Türkiyə klubu I dövrəni 18 komanda arasında 12-ci pillədə başa vurub. Bakı vaxtı ilə saat 18:00-da başlayacaq “Akhisar Bələdiyyəspor” – “Qəbələ” matçı “Rixos Premium” otelinin meydançasında keçiriləcək.
Qambiya milli futbol komandasının bir neçə futbolçusu və heyət üzvü Afrika Millətlər Kubokunda iştirak üçün Kot-d'İvuara uçarkən təyyarədə huşlarını itiriblər.