banner
banner

Gündəm

Vergilər Nazirliyində həbslər davamlı ola bilər

Vergilər Nazirliyində həbslər davamlı ola bilər

Vergilər naziri Mikayıl Cabbarov vergi sistemində rüşvət və korrupsiya hallarına qarşı sərt tədbirlərə başlayıb. Fevralın 16-da 2 nəfər sabiq vergi orqanı əməkdaşı rüşvətə görə həbs olunub. Xəbərə görə, Vergilər Nazirliyi yanında Bakı şəhəri Lokal Gəlirlər Departamentinin sabiq əməkdaşları Bakı şəhərində fəaliyyət göstərən vergi ödəyicilərindən rüşvət alarkən saxlanılıblar. Sözügedən şəxslər Vergilər Nazirliyi yanında Vergi Cinayətlərinin ibtidai araşdırılması departamenti tərəfindən ifşa olunublar. Hazırda saxlanılan şəxslər barəsində müvafiq araşdırmalar aparılır.

Bundan başqa, yeni nazir fevralın 13-də keçirilən “Vergilər. Şəffaflıq. İnkişaf” konfransında  bu sistemdə rüşvət və korrupsiyanın kökünü kəsəcəyinə söz verdi. Qeyd etdi ki, vergi sistemində kadrların yenidən komplektləşdirilməsi, barəsində şikayətlər daxil olan vergi məmurları haqqında ölçülərin götürülməsi, peşəkarların irəli çəkilməsi ilə bağlı artıq müvafiq addımlara başlanılıb.

“Vergi sistemində kifayət qədər peşəkar kadrlar mövcuddur və orta menecment sistemi yeni baxışlara malik menecer qrupları ilə komplektləşdiriləcək. Vergi orqanlarında korrupsiyanın tam kökünün kəsilməsi üçün bütün resursları səfərbər edəcəyik. Öz sıralarımızın təmizlənməsinə artıq başlanılıb, bu proses davam edəcək, aşkar olunan bütün hallarla bağlı qəti tədbirlər görüləcək, bu mənada heç kəsə güzəşt edilməyəcək. Himayədarlıq faktları xüsusi nəzarətə götürüləcək, buna hələ də yol verənlər bilməlidir ki, vergi ödəyicilərinin məsuliyyətə cəlb edilməsi müddətinin keçməsi vergi işçilərinin cinayət hərəkətlərinə şamil edilmir”.

Bəs görəsən, vergi sistemində aşkarlanan korrupsiya hallarına görə vergi müfəttişlərini həbs gözləyirmi?

Bundan başqa, köhnə vergi mafiyasının hələ nazirlikdə işinə davam edən üzvləri yeni nazirin bu sərt qərarlarını sabotaj edə bilərmi? Onların aşkarlanıb sistemdən təmizlənməsi necə həyata keçiriləcək?

Əkrəm Həsənov ile ilgili görsel sonucu

“Yeni Müsavat”ın suallarını cavablandıran hüquqşünas, iqtisadçı-ekspert Əkrəm Həsənov da bildirdi ki, Vergilər Nazirliyində həbslər gözlənilir: “Əgər həbslər olmasa, bu çox təəccüblü olar. Vergilər naziri bildirdi ki, bu sistemdə korrupsiya olub, bir neçə işçini də ona görə işdən çıxarıblar.  Həmin şəxslər cinayət məsuliyyətinə cəlb edilməyəcəksə, belə çıxır ki, korrupsiya ilə məşğul olub, sadəcə dövlət işindən qovulmaqla kimsə canını qurtara bilər. Bu isə nəinki vergidə, digər dövlət orqanlarında işləyənlərində belə hallardan qorxmamasına gətirib çıxaracaq. Düşünəcəklər ki, ən pis halda onları işdən çıxara bilərlər. Doğrudur, mən də gözləmirəm ki, korrupsiya ilə məşğul olan bütün şəxslər həbs olunacaq. Unutmayaq ki, bura Azərbaycandır, bəzilərinin arxasında güclü, vəzifəli şəxslər durur, qohumluq-dostluq münasibətləri var”.

Ekspertin sözlərinə görə, yeni nazirin islahatlar  istiqamətindəki fəaliyyətinə daxildən və xaricdən mane olmağa çalışanlar olacaq: “Vergilər Nazirliyi strateji əhəmiyyətli dövlət qurumu olduğu üçün hətta vergilər nazirinin müavinləri, müşavirləri arasında xeyli şəxs var ki, onlar heç keçmiş vergilər naziri Fazil Məmmədovun adamları deyildilər. Azərbaycanda idarəetmədə ciddi təsiri olan müxtəlif adamlara yaxın idilər. Buna görə də, hazırda onlar müxtəlif vasitələrlə yeni nazirin aparacağı siyasətə mane olmağa çalışacaqlar. Bu ancaq Vergilər Nazirliyinin içindən yox, kənardan da baş verəcək. Ona görə də, islahatları həyata keçirmək o qədər də asan olmayacaq. Lakin mən hesab edirəm ki,  Mikayıl Cabbarov çox tədbirli və ehtiyatlı dövlət məmurudur. O əgər belə bir bəyanatı açıq səsləndirirsə, deməli, artıq  bu aylar ərzində o müvafiq hazırlıq işlərini görüb və ən yüksək səviyyədə də dəstək alıb. Mən hesab edirəm ki, Azərbaycanda prezident seçkilərinin vaxtından əvvəl keçirilməsi də təsadüfi deyil. Mən bu qərarı ilk növbədə dövlət idarəetməsində və korrupsiyaya qarşı mübarizə sahəsində dövlət başçısının sərt siyasətə başlayacağı ilə bağlayıram ki, artıq bunu gözləməyə vaxt yoxdur. Seçkilər məhz buna görə aprel ayının 11-ə salınıb və Mikayıl Cabbarovun çıxışı da ilk mesajlardan biri idi. Vergilər naziri bu addıma gedir və əminliyi var ki, bu islahatlar yalnız vergi sahəsində yox, bütün digər sahələrdə də olacaq. Mən əminəm ki, 11 apreldən sonra Azərbaycanın dövlət aparatında çox ciddi dəyişikliklər baş verəcək”.

Əkrəm Həsənov onu da vurğuladı ki, sahibkarlar da qanunsuz olaraq onların pulunu mənimsəmiş vergi müfəttişlərini ilə bağlı məhkəmələrə müraciətlər edə bilərlər, lakin bu zaman  sözügedən əməlləri sübut etmək çətin olacaq: “Belə faktları sübut etmək çətindir. Siz əgər pulu vermisinizsə, onu necə sübut edə bilərsiniz? Əgər  Vergilər Nazirliyi özü sahibkara kömək etməsə, bu çox çətin görünür. Vergilər Nazirliyində kifayət qədər sənədlər var, video və audio çəkilişlər var ki, onlar sahibkarda yoxdur. Necə ki, keçmiş MTN-lə bağlı sahibkarların  şikayətini sübut etməyə fakt yox idi. Sahibkarların bunu sübut etmək üçün dövlət orqanlarının köməyinə ehtiyacları var. Onu da unutmayaq ki, sahibkarların  bir qismi vergidən yayınmaq üçün özləri də bu əməlləri könüllü ediblər. Belə hallar da var”.

İqtisadçı yeni vergilər nazirinin çıxışını dəyərləndirərkən bildirdi ki, M.Cabbarovun  müfəttişlərə “vergi ödəyicilərini qurban kimi deyil, portnyor kimi görün” deməsi pozitiv bir addımdır: “Mən bunu yüksək dəyərləndirirəm, həqiqətən belə də olmalıdır. Vergilər Nazirliyi sahibkarların düşməni deyil ki... Onların işi elə vergitutma yolu ilə  dövlətin iqtisadiyyatını, o cümlədən sahibkarlığı inkişaf etdirməkdir. Əlbəttə, vergi işçisi ilə sahibkar dost da ola bilməz, portnyor sözü düzgün tapılmış ifadədir. Dövlət əslində sahibkarların şərikidir və bu şərik sözünün tərcüməsi də portnyordur. Vergi dövlətə verilən bir haqdır ki, dövlət də bunun hesabına sahibkarlığın inkişafını təmin etsin. Dövlət sahibkarın portnyorudur və bu sahədə dövlətin adından çıxış edən orqan da Vergilər Nazirliyidir. Şəriklər isə o zaman düşmən olur ki, biri digərini aldatmağa çalışır. Və ya Vergilər Nazirliyinin işçisi vergidən əlavə də pul istəyir. Əgər hər iki tərəf oyun qaydalarına riayət edirsə, onlar portnyordurlar”.



Daha tez məlumatlanmaq üçün Facebook səhifəmizi




Oxşar xəbərlər

Kamran Əliyev tutduğu vəzifədən azad edildi

Daxili İşlər Nazirliyinin Baş Dövlət Yol Polisi İdarəsinin rəis müavini, Qeydiyyat-İmtahan və Texniki Baxış İdarəsinin rəisi polis polkovniki Kamran Əliyev təqaüdə göndərilib.

Parkinq sabotajı: Məmurların pul qazanmaq ehtirası, yoxsa...

Azərbaycan Dəmir Yolları ASC-nin sürücülərin rahatlığı üçün yaratdığı parkinq xidmətinin qiyməti şok effekti yaradıb. Onsuz da şəhərdə parkinq qiymətləri kifayət qədər yüksək idi və sürücülər buna etiraz edirdilər. Lakin ADY rəhbərliyinin parkinq xidməti üçün təyin etdiyi qiymət səbir kasasını doldurdu.

“Azərbaycanda varlıların işğal etdikləri torpaqlar var”: Komitə sədrindən AÇIQLAMA - FOTO

Azərbaycanın bəzi rayonlarında min hektarlarla əkinəyararlı torpaq sahələri, örüş yerləri hasarlanıb və illərdir toxunulmaz ərazilər kimi imkanlı şəxslərin, o cümlədən məmurların mülkiyyətində saxlanılır. Hətta dövlət başçısı da zamanında əkinəyararlı torpaqların imkanlı şəxslər tərəfindən zəbt edilməsinə diqqət çəkmişdi.

SON DƏQİQƏ! XİN məlumat yaydı

Maraqlıdır ki, Azərbaycan 30 ilə yaxın silahlı təcavüzün, işğalın və etnik təmizləmənin qurbanı olduğu halda və hətta BMT Təhlükəsizlik Şurasının Ermənistanın işğalçı qüvvələrinin dərhal, tam və qeyd-şərtsiz çıxarılmasını tələb edən 4 qətnaməsinə baxmayaraq, heç zaman Aİ və ABŞ-dən bu formada qeyd-şərtsiz dəstək almayıb.

Azərbaycanın quru sərhədləri açılmayacaq

“Rusiyada baş verən son terror aktı da göstərdi ki, yalnız daxilə fokuslanmaq olmaz və bütövlükdə təhlükəsizlik mühiti xarici təhdidlərlə uzlaşdırılmış şəkildə qiymətləndirilməlidir”.

Bir ünvanda qeydiyyata alınmış onlarla MMC-nin arxasında kimlər durur – Vergi Xidməti bu müəmmanı açacaqmı?

Ötən il Bakıda tanışlarının adına müxtəlif ünvanlarda Məhdud Məsuliyyətli Cəmiyyətlər yaradan şəxs həbs edilməsi barədə məlumat yayılmışdı. Məlumatda qeyd edilirdi ki,sahibkar müxtəlif tanışlarının adına MMC-lər açmaqla pul qazansa da, vergi borcunu ödəməkdən boyun qaçırıb. Bir neçə gün əvvəl isə dövlət büdcəsinə 5 milyon manata yaxın vergi borcunu ödəməkdan yayınan şəxsə hökm oxunduğu barədə xəbərlər yayılıb.