Əməkdar Artist Əyyub Quliyev Çində Beynəlxalq musiqi festivalında çıxış edib
Çinin Siçuan regionun paytaxtı olan Çendu şəhərində "Musiqi Olimpi" I Beynəlxalq Musiqi festivalı keçirilib.
Festivalda Çinin tanınmış musiqi kollektivi - Siçuan Filarmonik Orkestri, Azərbaycan Əməkdar Artisti, Akademik Dövlət Opera və Balet Teatrının dirijoru, Prezident mükafatçısı, beynəlxalq müsabiqələr laureatı Əyyub Quliyev, dünyanın müxtəlif ölkələrindən dəvət olunmuş tanınmış ifaçılar - Kristof Kruaze (violonçel, İsveçrə), Mey Diyanq (viola, Çin), Kanon Matsuda (fortepiano, Yaponiya) və Yudjin Kavai (skripka, Yaponiya) iştirak ediblər. Festival "Musiqi Olimpi" Fondu (Sankt-Peterburq) və Siçuan simfonik orkestri tərəfindən təşkil olunub. Konsertlər Çendu şəhərinin ən böyük konsert zalı olan "Yunduan"da (İCON Yunduan) keçirilib. Martın 17 və 18-də reallaşan konsertlərdə dirijor Əyyub Quliyevin rəhbərliyi altında Siçuan Simfonik orkestri rəngarəng proqramla çıxış edib. Mosart, Hofmayster, Sen-Sans və Çaykovskinin instrumental əsərləri ilə yanaşı Bethoven, Sibelius və Lyu Quminqin (Çin) orkestr əsərləri də böyük maraqla qarşılanıb.
Konsertin sonunda dinləyicilərin istəyini nəzərə alaraq azərbaycanlı dirijor və Çin orkestri proqramdan əlavə Bramsın macar rəqslərini ifa edib.
Beynəlxalq festival martın 23-ə qədər davam edəcək.
Mədəniyyət Nazirliyinin tabeliyinidə fəaliyyət göstərən “Əsaslı Tikinti və Təchizat” MMC “Azərmətbuatyayımı” ASC (VÖEN-1500515761) ilə satınalma müqaviləsi imzalayıb.
Əməkdar artist Aygün Bəylərin vəfatından sonra sosial şəbəkələrdə ona Xalq artisti fəxri adının verilməməsi müzakirələrə səbəb olub. Sosial şəbəkə istifadəçiləri bu məsələdə keçmiş nazir Əbülfəs Qarayevi günahlandırıblar.
Fransanın Paris şəhərində fəaliyyət göstərən Azərbaycan Evi ölkənin Evian-lö Bən şəhər bələdiyyə şurasının “Azərbaycan Bağı” ilə bağlı qərarı və parkda yerləşən Azərbaycan şairəsi Xurşidbanu Natəvanın abidəsi ətrafında yaranmış təhlükə ilə bağlı müraciətlə çıxış edib.