Musiqili Teatrda həftəsonu maraqlı tamaşalar izləniləcək
Azərbaycan Dövlət Musiqili Teatrında həftəsonu maraqlı tamaşaların nümayişi gözlənilir.
Qurumun mətbuat xidmətindən AZƏRTAC-a bildirilib ki, aprelin 7-də saat 12:00-da “Hacı Qara”, saat 19:00-da isə “Molla Nəsrəddinin beş arvadı” təqdim olunacaq. Həmçinin teatrsevərlər aprelin 8-də saat 19:00-da sevimli gülüş ustası, Xalq Artisti Afaq Bəşirqızının iştirakı ilə “Bankir adaxlı” tamaşasını izləyəcəklər.
Musiqili Teatr həmişə olduğu kimi, bu həftə də rusdilli tamaşaçılarını unutmayıb. Belə ki, kollektiv aprelin 8-də saat12:00-da balaca teatrsevərlərin görüşünə “Bir dayan, canavar!” tamaşası ilə gələcək.
Səhnə əsərlərində Xalq artistləri Afaq Bəşirqızı, Fatma Mahmudova, Əməkdar artistlər Çingiz Əhmədov, Novruz Qartal, Əzizağa Əzizov, Nahidə Orucova, aktyorlar Möylə Mirzəliyev, Ülviyyə Əliyeva və başqaları iştirak edəcəklər.
Biletləri şəhərin bütün teatr-konsert kassalarından və “ASAN xidmət” mərkəzlərindən əldə etmək olar.
Mədəniyyət Nazirliyinin tabeliyinidə fəaliyyət göstərən “Əsaslı Tikinti və Təchizat” MMC “Azərmətbuatyayımı” ASC (VÖEN-1500515761) ilə satınalma müqaviləsi imzalayıb.
Əməkdar artist Aygün Bəylərin vəfatından sonra sosial şəbəkələrdə ona Xalq artisti fəxri adının verilməməsi müzakirələrə səbəb olub. Sosial şəbəkə istifadəçiləri bu məsələdə keçmiş nazir Əbülfəs Qarayevi günahlandırıblar.
Fransanın Paris şəhərində fəaliyyət göstərən Azərbaycan Evi ölkənin Evian-lö Bən şəhər bələdiyyə şurasının “Azərbaycan Bağı” ilə bağlı qərarı və parkda yerləşən Azərbaycan şairəsi Xurşidbanu Natəvanın abidəsi ətrafında yaranmış təhlükə ilə bağlı müraciətlə çıxış edib.