banner
banner

Dünya

ABŞ Konqresində ADR-ın yaranmasının 100 illik yubileyi münasibətilə bəyanat verilib

ABŞ Konqresində ADR-ın yaranmasının 100 illik yubileyi münasibətilə bəyanat verilib

Mayın 22-si ABŞ Konqresinin üzvü, Konqresin Avropada Təhlükəsizlik və Əməkdaşlıq Komissiyasında (Helsinki Komissiyası) demokratların rəhbəri Alcee Hastings (Demokrat – Florida) Azərbaycan Demokratik Respublikasının yaranmasının 100 illik yubileyi münasibətilə ABŞ Konqresinin Nümayəndələr Palatasında bəyanatla çıxış edib.

Azərbaycanın ABŞ-dakı səfirliyindən Trend-ə verilən məlumata görə, bəyanatda, 28 may 1918-ci il tarixində müstəqillik qazanmasının 100 illiyi ilə əlaqədar Azərbaycan Respublikasına təbrik ünvanlanır. İstiqlal Bəyannaməsi qəbul olunarkən Azərbaycan Demokratik Respublikası kimi tanınan bu dövlətin, müsəlman dünyasında ilk dünyəvi parlament demokratiyası olduğu bəyanatda qeyd edilir.

Sonradan Azərbaycanda Sovet hökumətinin qurulmasına və Azərbaycanın Sovet Sosialist Respublikaları İttifaqına birləşdirilməsinə gətirib çıxaran Bolşevik işğalına məruz qaldığı diqqətə çatdırılır. Bəyanatda bildirilir ki, Sovet İttifaqı dağılarkən, Azərbaycan xalqı yenidən müstəqillik hərəkatına başlamış və 30 avqust 1991-ci ildə müstəqilliyini bərpa etmişdir. ABŞ Azərbaycanın müstəqilliyini növbəti dəfə 25 dekabr 1991-ci il tarixində tanımışdır. Bəyanatda, ABŞ-ın həmin tarixdən etibarən Azərbaycan Respublikasının siyasi müstəqilliyini, suverenliyini və beynəlxalq tanınmış sərhədləri çərçivəsində ərazi bütövlüyünü dəstəklədiyi xüsusi vurğulanır.

 

Azərbaycanın, xüsusilə 2001-ci il 11 sentyabr hadisələrindən sonra ehtiyac zamanlarında ABŞ-a dost olması ilə seçildiyi, ABŞ-a qarşı o hücumları həyata keçirən şəxslərin ədalət məhkəməsi qarşısına çıxarılması üçün hər hansı bir qeyd-şərt olmadan Azərbaycanın ABŞ-a yardım etdiyi diqqətə çatdırılır. ABŞ-ın əziz dostu olan İsrail ilə də Azərbaycanın dost olduğu bəyanatda qeyd edilir. Azərbaycan və İsrailin bir neçə il əvvəl diplomatik münasibətlərin 25 illiyini qeyd etdikləri bildirilir. Bu münasibətlərə nümunə kimi, iki dövlət arasında geniş ticarət əlaqələrinin və regionda enerji təhlükəsizliyinin güclənməsinə öhdəliyin olması misal çəkilir.

Bəyanatın sonunda, Azərbaycan Demokratik Respublikasının yaranmasının 100 illik yubileyinin qeyd edilməsi münasibətilə Azərbaycan xalqına səmimi təbriklər çatdırılır.



Daha tez məlumatlanmaq üçün Facebook səhifəmizi




Oxşar xəbərlər

Hücumun arxasında hansı ölkə dayanır? - Əsas versiya

Hələlik əsas versiyalardan biri kimi “Krokus Siti Holl”da baş verən terror aktının saxta bayraq altında həyata keçirildiyi hesab edilir. Özlərini İŞİD təşkilatı ilə əlaqəli kimi təqdim edən terror aktının icraçıları əslində Ukrayna Müdafiə Nazirliyinin Baş Kəşfiyyat İdarəsini təmsil edə bilərdilər. Bir sıra hallar bunun yalançı bayraq altında terror hücumu olduğunu göstərir.

Saakaşvilinin azadlığa buraxılması üçün 150 min imza toplanıb

Cia.az "İnterfaks" agentliyinə istinadla xəbər verir ki, Gürcüstanın ən böyük müxalifət partiyası olan "Vahid milli hərəkat" partiyası ölkənin eks-prezidenti Mixail Saakaşvilinin azadlığa buraxılması üçün 150 min vətəndaşın imzasını toplayıb.

Türkiyə 34 ölkəyə "Bayraktar" göndərir

Cia.az TASS informasiya agentliyinə istinadla xəbər verir ki, Türkiyə Maldiv adalarına 6 ədəd "Bayraktar TB2" hərbi dronu tədarük edəcək. Bununla da "Bayraktar" sayca 34-cü ölkəyə ixrac ediləcək.

Gürcüstan müxalifətinin iki əsas lideri birləşir

Gürcüstanın ən böyük müxalifət partiyası olan “Vahid Milli Hərəkat”ın (VMH) sabiq sədri Nika Melia ilə müxalifyönümlü “Mtavari Arxi” telekanalının təsisçisi Nika Qvaramia siyasi ittifaq yaradırlar.