Perunun “Radio Filarmonia” radiosu Azərbaycanla bağlı musiqi proqramı yayımlayıb
Perunun nüfuzlu “Radio Filarmonia” radiosunun 102.7 FM kanalında Azərbaycan Xalq Cümhuriyyətinin 100 illiyinə həsr edilmiş musiqi proqramı yayımlanıb.
Azərbaycanın Meksikadakı səfirliyinin - Lima şəhərindəki ofisindən Trend-ə verilən məlumata görə, proqramın əvvəlində Azərbaycan Respublikasının himni səsləndirilib, sonra Azərbaycanın Perudakı nümayəndəliyinin müvəqqəti işlər vəkili Mehdi Məmmədov dinləyicilərə müsəlman Şərqində ilk demokratik respublika olan Azərbaycan Xalq Cümhuriyyətinin yaradılmasının yüz illik yubileyi haqqında məlumat verib, bunun Azərbaycan tarixində dünya miqyaslı hadisə olduğunu bildirib. M.Məmmədov həmçinin demokratik dövlətin formalaşması və inkişafının mühüm mərhələləri haqqında danışıb və dinləyicilərə müasir Azərbaycanın nailiyyətləri və ölkədə keçirilən irimiqyaslı beynəlxalq tədbirlər tanış edib.
O həmçinin Azərbaycanın musiqi mədəniyyəti səhifələrinə də ekskurs edib. 28 May tarixində bütün gün ərzində radioda Azərbaycanın klassik musiqisi, müasir bəstəkarlarımızın, musiqiçi və müğənnilərimizin kompozisiyaları səsləndirilib, dinləyicilər Azərbaycanın muğam və caz sənəti ilə tanış olublar.
Proqramda həmçinin Azərbaycan və Latın Amerikası ansambllarının birgə kompozisiyaları da səsləndirilib.
Mədəniyyət Nazirliyinin tabeliyinidə fəaliyyət göstərən “Əsaslı Tikinti və Təchizat” MMC “Azərmətbuatyayımı” ASC (VÖEN-1500515761) ilə satınalma müqaviləsi imzalayıb.
Əməkdar artist Aygün Bəylərin vəfatından sonra sosial şəbəkələrdə ona Xalq artisti fəxri adının verilməməsi müzakirələrə səbəb olub. Sosial şəbəkə istifadəçiləri bu məsələdə keçmiş nazir Əbülfəs Qarayevi günahlandırıblar.
Fransanın Paris şəhərində fəaliyyət göstərən Azərbaycan Evi ölkənin Evian-lö Bən şəhər bələdiyyə şurasının “Azərbaycan Bağı” ilə bağlı qərarı və parkda yerləşən Azərbaycan şairəsi Xurşidbanu Natəvanın abidəsi ətrafında yaranmış təhlükə ilə bağlı müraciətlə çıxış edib.