banner
banner

Gündəm

Başçıların isti yayı başladı - sensasion təyinatlar və işdən çıxarılmalar

Başçıların isti yayı başladı -

“Yeni Müsavat”ın iyun ayında hakimiyyət komandasında ciddi dəyişikliklər olacağı ilə bağlı məlumatı doğrulur. (http://musavat.com/news/hokumetde-sensasion-kadr-deyisikliyi-hazirligi-isti-yay-baslayir_530873.htmlhttp://musavat.com/news/hokumetde-sensasion-kadr-deyisikliyi-hazirligi-isti-yay-baslayir_530873.html

Mənbəmiz yay mövsümündə təkcə mərkəzi hakimiyyətdə deyil, əyalətlərdə də ciddi kadr dəyişikliyi olacağını xəbər vermişdi. “Söhbət rayon və şəhər icra hakimiyyətlərinin başçılarından gedir. İslahatların onlardan da yan keçməyəcəyi şübhəsizdir. Çünki prezident İlham Əliyev dəfələrlə işini düzgün qurmayan icra başçılarına xəbərdarlıq edib” deyə, yazıda bildirilirdi. 

Yada salaq ki, prezident  son 10 gündə artıq iki icra başçısını vəzifəsindən azad edib. Belə ki, ötən həftə  Gədəbəy Rayon İcra Hakimiyyətinin başçısı Ramiz Yediyarov tutduğu vəzifədən azad edilib. Sabiq vergilər naziri Fazil Məmmədovun kadrlarından olan R.Yediyarov bu vəzifəyə 2012-ci ilin aprelində təyin olunmuşdu. R.Yediyarov icra başçısı olduğu müddətdə sahibkarları incitməklə, onların mal-mülkünü yağmalamaqla məşhurlaşmışdı.

yediyarov ile ilgili görsel sonucu

Ağdamın artıq sabiq hesab edilən icra başçısı Raqub Məmmədov haqda da uzun müddətdir ki, ciddi nöqsanlar, rüşvətxorluq və korrupsiya ilə bağlı ittihamlar vardı. Prezidentin son iki sərəncamında ən diqqətçəkən məqam cəbhə bölgəsi hesab olunan Gədəbəyin və Ağdamın icra başçılarının işdən azad olunmasıdır. 

Raqub Məmmədov ile ilgili görsel sonucu

Prezident İlham Əliyevin cəbhə bölgələrindəki rayonlara daima xüsusi diqqəti olub. Prezidentin son Goranboy səfərini xatırlatmaq kifayət edir. Çünki cəbhənin təmas xəttində yaşayan insanların diqqət və qayğıya daha çox ehtiyacı var, bu ərazilərdə yaşayanlar ordumuza güvənsələr də, daima düşmən gülləsi təhlükəsi altında yaşayırlar. Bu əhalinin hər bir probleminə diqqətlə yanaşmaq prezidentin bu rayonların icra başçıları qarşısında qoyduğu əsas tələblərdən biridir. Məlumata görə, dövlət başçısının tapşırığı ilə Prezident Administrasiyasında da cəbhə bölgəsində yerləşən rayonlardan - Beyləqan, Füzuli, Xocavənd, Ağdam, Tərtər, Goranboy, Göygöl, Gədəbəy, Tovuz və Qazaxdan gələn şikayətlərə ilk növbədə baxılır.

Təbii ki, həm Ermənistan, həm işğal olunmuş torpaqlarımızdakı düşmənlə qarşı-qarşıya dayanmış rayon əhalisində ruh yüksəkliyi, mərkəzi hakimiyyətə inam əsas şərtdir. Son günlər Ermənistanla sərhəd rayonlarında və işğal zonasında düşmən təxribatları ara vermir. Belə bir vəziyyətdə iki rayonun icra başçısının dəyişdirilməsində xüsusi məna axtarmağa bəlkə də ehtiyac qalmır. Çünki yuxarıda da qeyd etdiyimiz kimi, prezident Ali Baş Komandan kimi bu bölgələri daima diqqətdə saxlayır, həm rayondakı vəziyyət, həm yerli icra başçısının fəaliyyəti ilə bağlı informasiyaları bir yox, bir neçə mənbədən alır.

Belə görünür ki, təkcə icra başçısı deyil, həm də əsgər olmalı məmurlar dövlətin onlara olan ümidlərini doğrultmayıblar. İstisna deyil ki, cəbhə bölgəsi rayonlarında yerli komandanı daha da möhkəmləndirmək, daha səriştəli kadrları vəzifəyə təyin etmək prosesi sürətlənib. Bunun işğal zonasındakı Qarabağda ermənilərin İrəvan hakimiyyətinə qarşı çıxdığı, Ermənistanda da artan gərginliklə bəlkə də birbaşa əlaqəsi olmasa da, hər halda, cəbhə zonasında “bərkidilmə” prosesi ortadadır...

Elxan Şamil oğlu Allahverdiyev ile ilgili görsel sonucu

Dünən Bakının ən böyük rayonlarından biri olan Binəqədiyə də icra başçısı təyin edildi. Prezident İlham Əliyevin sərəncamı ilə Elxan Şamil oğlu Allahverdiyev bu vəzifəyə təyin edilib. E.Allahverdiyev bank sahəsində çalışıb. O, Kapital Bankın İdarə Heyətinin sədri Rövşən Allahverdiyevin qardaşıdı.

Göründüyü kimi, prezident icra başçıları ilə bağlı yenələmə prosesinə start verib. Növbəti həftələrdə bu prosesin davam edəcəyi haqda məlumatlar var.

“Yeni Müsavat”



Daha tez məlumatlanmaq üçün Facebook səhifəmizi




Oxşar xəbərlər

Kamran Əliyev tutduğu vəzifədən azad edildi

Daxili İşlər Nazirliyinin Baş Dövlət Yol Polisi İdarəsinin rəis müavini, Qeydiyyat-İmtahan və Texniki Baxış İdarəsinin rəisi polis polkovniki Kamran Əliyev təqaüdə göndərilib.

Parkinq sabotajı: Məmurların pul qazanmaq ehtirası, yoxsa...

Azərbaycan Dəmir Yolları ASC-nin sürücülərin rahatlığı üçün yaratdığı parkinq xidmətinin qiyməti şok effekti yaradıb. Onsuz da şəhərdə parkinq qiymətləri kifayət qədər yüksək idi və sürücülər buna etiraz edirdilər. Lakin ADY rəhbərliyinin parkinq xidməti üçün təyin etdiyi qiymət səbir kasasını doldurdu.

“Azərbaycanda varlıların işğal etdikləri torpaqlar var”: Komitə sədrindən AÇIQLAMA - FOTO

Azərbaycanın bəzi rayonlarında min hektarlarla əkinəyararlı torpaq sahələri, örüş yerləri hasarlanıb və illərdir toxunulmaz ərazilər kimi imkanlı şəxslərin, o cümlədən məmurların mülkiyyətində saxlanılır. Hətta dövlət başçısı da zamanında əkinəyararlı torpaqların imkanlı şəxslər tərəfindən zəbt edilməsinə diqqət çəkmişdi.

SON DƏQİQƏ! XİN məlumat yaydı

Maraqlıdır ki, Azərbaycan 30 ilə yaxın silahlı təcavüzün, işğalın və etnik təmizləmənin qurbanı olduğu halda və hətta BMT Təhlükəsizlik Şurasının Ermənistanın işğalçı qüvvələrinin dərhal, tam və qeyd-şərtsiz çıxarılmasını tələb edən 4 qətnaməsinə baxmayaraq, heç zaman Aİ və ABŞ-dən bu formada qeyd-şərtsiz dəstək almayıb.

Azərbaycanın quru sərhədləri açılmayacaq

“Rusiyada baş verən son terror aktı da göstərdi ki, yalnız daxilə fokuslanmaq olmaz və bütövlükdə təhlükəsizlik mühiti xarici təhdidlərlə uzlaşdırılmış şəkildə qiymətləndirilməlidir”.

Bir ünvanda qeydiyyata alınmış onlarla MMC-nin arxasında kimlər durur – Vergi Xidməti bu müəmmanı açacaqmı?

Ötən il Bakıda tanışlarının adına müxtəlif ünvanlarda Məhdud Məsuliyyətli Cəmiyyətlər yaradan şəxs həbs edilməsi barədə məlumat yayılmışdı. Məlumatda qeyd edilirdi ki,sahibkar müxtəlif tanışlarının adına MMC-lər açmaqla pul qazansa da, vergi borcunu ödəməkdən boyun qaçırıb. Bir neçə gün əvvəl isə dövlət büdcəsinə 5 milyon manata yaxın vergi borcunu ödəməkdan yayınan şəxsə hökm oxunduğu barədə xəbərlər yayılıb.