Misir telekanalında Azərbaycan mədəniyyətindən bəhs edən veriliş yayımlanıb
“Vətənpərvər” - Azərbaycanın Misirdəki Diaspor Təşkilatları Birliyinin təşəbbüsü ilə Misirin “əl-Fədaiyyə əl-Misriyyə” dövlət televiziya kanalında canlı yayımda “Mənim xanımım” proqramı Azərbaycana həsr edilib.
Verilişdə Diaspor Təşkilatları Birliyinin sədr müavini, “Aynu Şəms” Universitetinin Azərbaycan dili müəllimi Sədaqət Səmədova, diaspora fəalı, “Əl-Əzhər” Universitetinin Azərbaycan dili müəllimi İnarə Osmanova və övladları Sandi Səlim və Şeyxəli Nəsirov iştirak ediblər.
Verilişin əvvəlində ölkəmizin müasir simasını əks etdirən videoçarx nümayiş ediləndən sonra iştirakçılar iki dövlət arasında tarixi və mədəni əlaqələrdən, Azərbaycanın tarixi, coğrafıyası, qədim və zəngin mədəniyyətindən, turizm potensialından danışıb, Ramazan ayının Azərbaycanda qeyd olunması barədə geniş söhbət açıblar.
Canlı yayımda Azərbaycan mətbəxinin ləziz təamları və milli geyimlər də təqdim olunub. Verilişin sonunda uşaqlar “Sarı gəlin” xalq mahnısını ifa ediblər, Səməd Vurğunun “Azərbaycan” şeirini ana dilində və ərəb dilində oxuyublar.
Mədəniyyət Nazirliyinin tabeliyinidə fəaliyyət göstərən “Əsaslı Tikinti və Təchizat” MMC “Azərmətbuatyayımı” ASC (VÖEN-1500515761) ilə satınalma müqaviləsi imzalayıb.
Əməkdar artist Aygün Bəylərin vəfatından sonra sosial şəbəkələrdə ona Xalq artisti fəxri adının verilməməsi müzakirələrə səbəb olub. Sosial şəbəkə istifadəçiləri bu məsələdə keçmiş nazir Əbülfəs Qarayevi günahlandırıblar.
Fransanın Paris şəhərində fəaliyyət göstərən Azərbaycan Evi ölkənin Evian-lö Bən şəhər bələdiyyə şurasının “Azərbaycan Bağı” ilə bağlı qərarı və parkda yerləşən Azərbaycan şairəsi Xurşidbanu Natəvanın abidəsi ətrafında yaranmış təhlükə ilə bağlı müraciətlə çıxış edib.