banner
banner

Gündəm

Konsorsium rəhbəri: TANAP həyati əhəmiyyətli layihədir

| Xəbər 8574 dəfə oxunub
Konsorsium rəhbəri:

Transanadolu boru kəməri (TANAP) həyati əhəmiyyətli layihədir.

Bunu Trend-ə TANAP konsorsiumunun rəhbəri Saltuk Düzyol deyib.

S.Düzyol bildirib ki, TANAP enerji mənbələrinin şaxələndirilməsinə imkan verəcək. Bu da hazırda olduqca vacibdir.

Konsorsium rəhbərinin sözlərinə görə, Türkiyə Azərbaycan qazını münasib qiymətə alır:

"TANAP Türkiyə və Azərbaycan üçün mühüm strateji layihədir".

Qeyd edək ki, iyunun 12-də Türkiyənin Əskişəhər şəhərində TANAP qaz kəmərinin istifadəyə verilməsi münasibətilə təntənəli mərasim keçirilib.

TANAP layihəsi Xəzər dənizinin Azərbaycan sektorundakı “Şahdəniz-2” yatağından və Xəzərin digər sahələrindən hasil edilən təbii qazın Türkiyəyə və Avropaya nəqlini nəzərdə tutur. "Cənub Qaz Dəhlizi"nin əsas seqmentlərindən biri olan TANAP Gürcüstandan və Türkiyənin 20 vilayətindən keçərək Yunanıstan sərhədinə qədər uzanır. Layihə ilə bağlı Azərbaycanla Türkiyə arasında Anlaşma Memorandumu 2011-ci il dekabrın 24-də, Transanadolu təbii qaz boru kəməri sisteminə dair Saziş isə 2012-ci il iyunun 26-da İstanbulda imzalanıb və hər iki ölkənin müvafiq qanunverici orqanları tərəfindən təsdiqlənib. TANAP layihəsi təbii qazın “Şahdəniz”, eyni zamanda, Azərbaycanın digər yataqlarından Avropa bazarlarına nəql edilməsi potensialına görə mühüm siyasi və iqtisadi əhəmiyyətə malikdir.



Daha tez məlumatlanmaq üçün Facebook səhifəmizi