banner
banner

Maraqlı

Saçımız niyə tez ağarır? Səbəblər

| Xəbər 5550 dəfə oxunub
Saçımız niyə tez ağarır?

Cəmiyyətdə saçların ağarmasını qocalma prosesinin bir siqnalı kimi qəbul edirlər.

Bu təbii proses olduğundan, gec və ya tez hər bir insanda baş verir. Adətən tək-tək ağ saçların peyda olması 30-35 yaşlara, 50-55 yaşlarda isə bu prosesin tezləşməsi müşahidə olunur.

Bəs bu prosesin cavan yaşlarda əmələ gəlməsini necə qəbul etmək lazımdır?

Tibb sahəsində vaxtından əvvəl saçların ağarması, yalnız saçların 50% -nin 40 yaşa qədər ağarması və ya ağ saçların 30 yaşdan əvvəl əmələ gəlməsi hallarında qəbul edilir.

Terapevt Anar Ağayev Xeberle.com-a bildirib ki, saçın erkən yaşlarda ağarmasının əsas səbəbi irsi faktorlarla bağlıdır:

"Saçların erkən ağarması 30-50 faiz irsiyyətlə bağlıdır. İrsiyyətlə bağlı saç ağardıqda onun qarşısını almaq mümkün deyil, çünki bu artıq onun genetik fondunda var və nəsildə özünü göstərir. Maddələr mübadiləsinin pozğunluğu, vitamin və mikroelementlərin çatışmazlığı ilə bağlı da saçların ağarması mümkündür. Əslində hər şey uşaqlıqdan başlayır. Uşaqların düzgün qidalanmaması daha sonra bu kimi problemlərin yaranması ilə nəticələnə bilər. Stress, qorxu, həyəcan mühitində çalışmaq da saçların ağarma səbəblərindən biridir. Hər saç teli rəngini "melanosit” adlanan və rəng piqmenti ifraz edən hüceyrələrdən alır. Bu hüceyrələrin funksiyasını itirməsi, piqment azalması, ya da yox olması saçlarda ağarma ilə nəticələnir.Çünki bizim dərimizə, saçımıza qara rəng verən "melanosit” piqmentidir.Bu piqment çatışmayanda dərimizdə ağ-ağ ləkələr əmələ gəlir ki, bu xəstəliyə də vitiliqo deyilir”.

A. Ağayev erkən saç ağarması problemi olanların kardioloji müayinədən keçməsini tövsiyə edir.

Psixoloq Elvira Əliyeva isə erkən yaşlarda saç ağarmasını stresslə əlaqələndirir: "Stress bütün xəstəliklərə təkan verən amil olduğu kimi, eyni zamanda saçların ağarmasını da sürətləndirə bilir. Stresslə yanaşı üzüntü, işsizlik, yaxınların erkən itirilməsi də saçın ağarmasını sürətləndirən amilərdəndir. Saçın ağarmasına genetik faktorların da rolu yüksəkdir. Bəzən insan çox üzüntü keçirsə də, bu onda saçların ağarması ilə müşahidə olunmaya bilər. Deməli, həmin insanın orqanizmi saç ağarmasına qarşı həssas deyildir. Saç ağarmasına bir çox xəstəliklər də səbəb ola bilər”.



Daha tez məlumatlanmaq üçün Facebook səhifəmizi