banner
banner

Maraqlı

Əgər insan 10 saat yatırsa...

| Xəbər 2433 dəfə oxunub
Əgər insan 10 saat yatırsa...

Əgər insan 10 saat yatırsa, onun vaxtsız ölüm riski 7 saat yatan insanla müqayisədə 30 faiz artır. Bu məlumat “News-medical.net” portalında yerləşdirilib.

AZƏRTAC “MedDaily” saytına istinadla xəbər verir ki, alimlər yuxunun davamlılığı, keyfiyyəti, ürək-damar problemləri və ölüm halları məsələlərini 3 milyondan çox insanın üzərində tədqiq ediblər. Həmin insanlar bundan əvvəl digər tədqiqatlara da cəlb olunub.

Məlumdur ki, doyunca yatmamaq sağlamlıq üçün olduqca təhlükəlidir. Sən demə, həddən artıq çox yatmaq da ziyandır. Belə ki, 10 saatdan çox davam edən yuxu insult nəticəsində ölüm riskini 56 faiz, ürək-damar xəstəliyindən ölüm riskini 49 faiz artırır.

Yeri gəlmişkən, yaponiyalı alimlərin son tədqiqatına görə, qısa müddətli və həddən artıq uzun yuxu yaşı 60-dan yuxarı insanlarda demensiyanın yaranma və vaxtsız ölüm riskini artırır. Bu nəticə on il ərzində 1517 insan üzərində müşahidə əsasında əldə edilib. Müvafiq dövrdə 294 könüllüyə demensiya diaqnozu qoyulub, 282 nəfər isə ölüb. Məlum olub ki, sutkada 5 saatdan az və 10 saatdan çox yatan insanlarda demensiya və ölüm halları gün ərzində 5-9 saat yatanlarla müqayisədə daha yüksək olub.



Daha tez məlumatlanmaq üçün Facebook səhifəmizi