“Yaxın zamanlarda İpoteka və Kredit Zəmanət Fondu tərəfindən növbəti kredit ayırması gözlənilir ki, bu da mənzil bazarına xüsusi fəallıq gətirəcək. Həmin hadisədən sonra bazarda yenidən qiymət artımın şahidi olacağıq”.
Cia.az xəbər verir ki, bu sözləri Bizim.Media-ya açıqlamasında əmlak məsələləri üzrə ekspert, iqtisadçı Vüqar Oruc qeyd edib.
Onun sözlərinə görə hazırda əmlak bazarında stabillik mövcuddur:
“Tələb və təklif hələ də yüksək olduğu üçün qiymətlərdə cüzi də olsa artımın şahidi oluruq. Amma ötən il və bu ilin əvvəllərində olan yüksək qiymətlərlə hələki qarşılaşmırıq. Bazarımız dinamikləşib və fəallaşıb. Forsmajor hal baş verməsə, bundan sonra ümumiyyətlə daşınmaz əmlakın qiymətində hər hansı enmə baş verməyəcək. Ölkəyə yeni investisiyalar və layihələr daxil olur. Hansı ki, bunlar daşınmaz əmlak bazarına əlavə təkan verən məsələdir.
Eyni zamanda dünyada baş verən inflyasiya nəticəsində bütün milli valyutalar kimi Azərbaycan manatının da alıcılıq qabiliyyəti aşağı düşüb. Mənzil bazarındakı qiymətlərə bu amil də təsir göstərir. Qiymətləri tətikləyən digər məqam isə investorların ölkəmizə axınıdır.
Ayrı-ayrı beynəlxalq tədbirlərin ölkəmizdə keçirilməsi ölkəmizin dünyanın turizm mərkəzlərindən birinə çevrilməsi istiqamətində inamlı addımlardır. Bütün bunlar daşınmaz əmlakın qiymətlərinin artmasını şərtləndirən amillər kimi qəbul oluna bilər”.
Ekspert yay mövsümü ilə əlaqədar fərdi və bağ evlərinin kirayə ilə əldə edilməsi prosesinə start verildiyini də vurğulayıb. O, deyib ki, bu baxımdan dəniz qırağı ərazilərdə yerləşən fərdi bağ evlərinin qiymətində xüsusi artım var:
“Artıq fərdi və bağ evlərini kirayə ilə əldə etmək prosesinə start verilib. Bu evlərdə qiymətlərin artımı indidən hiss olunur ki, bu, bazarda təklif qiymətlərində də dəyişikliyə səbəb olacaq. Onu da əlavə edim ki, növbəti tədris ili ilə əlaqədar da bəzi valideynlər kirayə mənzil axtarmağa start veriblər. Bu da haradasa gələcək aylarda kirayə seqmentində çox ciddi artımların olacağını proqnozlaşdırmağa əsas verir”.
“2023-cü ilin yanvar-aprel aylarında daha çox bostan bitkilərinin əkin sahələrində azalma olub. Bu ilki göstərici ötən ilin müvafiq dövrü ilə müqayisədə 12,8% azalma deməkdir. Əslində, bu göstərici çoxdur”. Bu sözləri SİA-ya açıqlamasında iqtisadçı Eldəniz Əmirov deyib.
Məlum olduğu kimi, mayın 17-si “Günay Bank” ASC-nin lisenziyası ləğv edildi. Bankın bağlanmasına əsas səbəblərdən biri məcmu kapitalının miqdarının banklar üçün müəyyən edilmiş minimum miqdarından az olması, məcmu kapitalının adekvatlıq əmsalının 3 faizdən azlığı, habelə cari fəaliyyətini etibarlı və prudensial qaydada həyata keçirmədiyi əsas göstərilib.
Günya Bank"ın məcmu kapitalla bağlı probleminin olub-olmaması özü mübahisəli məsələdir. Ona görə ki, Azərbaycan Mərkəzi Bankı ötən il orada yoxlama aparıb və indiyə qədər həmin yoxlamanın nəticəsini banka təqdim etməyib".
May ayı ərzində təbiət hadisələrinin - leysan, dolu və qarın təsərrüfatlara vurduğu zərər respublika üzrə kənd təsərrüfatı məhsullarının istehsalına, ümumi məhsuldarlığa təsir göstərəcək dərəcədə deyil.
“Bu gün kənd yerlərində insanlar heyvandarlıqla məşğul ola bilmir. Çünki örüş sahələri çox azdır. Bəzi bölgələrdə demək olar ki, yox səviyyəsindədir. Heyvandarlıq üçün gərəkli olan örüş yerlərində pambıq sahələri salınıb. Pambıqçılıq da lazımlı sahədir. O da olmalıdır. Lakin bir sahəni dirçəltmək üçün başqa bir sahəni məhv etmək olmaz. Mal-qara, ətlik heyvanların sayının azalması, ətin qiymətinin qalxmasına gətirib çıxarır. Qıtlıq olanda bahalaşma olur. Bu nəzərə alınmalıdır. Böyük ehtimal ki, payıza doğru mal və qoyun ətinin qiyməti qalxacaq”.
Xəbər verdiyimiz kimi, gələn il yanvarın 1-dən Azərbaycana idxal edilən tropik meyvələr 15 faiz gömrük rüsumundan azad ediləcək. Nazirlər Kabinetinin müvafiq qərarı 31 dekabr 2030-cu ilədək qüvvədə olacaq.
