banner
banner

Sosİal

Kasıb ailələrə verilən bayram sovqatı «yoxa çıxıb» - Saatlıda

Kasıb ailələrə verilən bayram sovqatı «yoxa çıxıb»

İcra başçısının müavinləri camaata çatacaq ərzaqı öz yaxın qohumlarına paylayıblar

Saatlıda əndrəbadi olaylar baş verir. Rayon İcra Hakimiyyəti rəsmilərinin hərəkətlərindən dolayı meydana çıxmış acınacaqlı vəziyyət isə dillər əzbəridir. JAM.AZ xəbər verir ki, Saatlıda dözülməz vəziyyətdən şikayətçi olanların təqib edilməsi, təzyiqlərə məruz qalması da adi haldır. Hətta rayona səfər etmiş nazirlərlə görüşə də insanlar buraxılmır. Burxılanlar isə elə vəzifədə olanların qohum-əqrabalarıdır.

Amma rayonda dünən daha bir biabırçı olay qeydə alınıb. JAM.AZ-a verilən məlumata görə, hər il Novruz Bayramı ilə əlaqədar Saatlı İcra Hakimiyyəti imkansız ailələrə yardım adı ilə onlara bir miqdar ərzaq paylayırdı. Bu il də həmin ənənənin davam edəcəyi gözlənilirmiş ki, tam tərsi baş verib.

Məlumatda deyilir ki, əvvəlcə, 200-ə yaxın ailəyə məlumat çatdırılıb ki, onlara Saatlı İcra Hakimiyyətinin binası qarşısında ərzaq paylanılacaq. Və həmin kasıb ailənin nümayəndələri də üz tutublar deyilən məkana. Lakin məlum olub ki, heç kimə bayram sovqatı verilməyəcək. Səbəbi də odur ki, icra başçısı Siraqəddin Cabbarovun müavinləri kasıb ailələrə çatacaq Novruz sovqatını öz qohumlarına paylayıblar.

JAM.AZ-a verilən məlumatda o da deyilir ki, vəziyyəti belə görən ailələr etirazlarını bildiriblər. İcra Hakimiyyətinin binası qarşısında toplaşmış insanlar qarğış edərək, sonradan ərazini tərk ediblər.

Məsələ ilə bağlı qarşı tərəfin də mövqeyini dərc etməyə hazırıq.



Daha tez məlumatlanmaq üçün Facebook səhifəmizi




Oxşar xəbərlər

Evini kirayə verənlərin nəzərinə!

Fiziki şəxs kirayə gəlirindən vergi ödəyərkən xərclərini çıxmaqla vergini özü hesablamaq və ödəmək hüququ əldə edir, bunun üçün vergi uçotuna düşərək vergi orqanına və kirayəçiyə məlumat verməlidir.

Sabah 20 dərəcə isti olacaq - PROQNOZ

Bakıda və Abşeron yarımadasında noyabrın 19-da hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.

ŞAD XƏBƏR: Bu şəxslərə əlavə ödəniş ediləcək

Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.