banner
banner

Sosİal

Azərbaycanda güclü külək bu ərazilərdə işığı söndürdü

Azərbaycanda güclü külək bu ərazilərdə işığı söndürdü

Ötən gün Azərbaycanda əsən güclü külək bir sıra ərazilərdə elektrik xətlərinə ziyan vurub.

“Azərişıq” ASC-nin Mətbuat xidmətinin rəhbəri Tanrıverdi Mustafayev Trend-ə deyib ki, Masazırın bəzi ərazilərində küclü külək ağacı elektrik dirəklərinin üzərinə aşırmışdı və nəticədə qəsəbənin bəzi hissələrində 2 saat ərzində elektrik enerjisinin verilməsində fasilə yaranmışdı:

“Güclü külək xətləri qoşmağa imkan vermirdi, lakin çətinliklə olsa da əməkdaşlarımız problemi aradan qaldırdı və elektrik enerjisinin verilməsi bərpa edildi. Həmçinin, ölkə ərazisində bir sıra dağlıq rayonlarda güclü külək ağacları fərdi evlərə çəkilən xətlərin üzərinə aşırmışdı. Hava şəraitinin təsirinə məruz qalan bütün yerlər 24 saat nəzarətdə saxlanılıb. Bunun üçün ərazilərə əlavə texnika və əməkdaşlar cəlb olunmuşdu. Ən önəmlisi o idi ki, biz qabaqlayıcı tədbirlər görmüşdük. Təhlükəli yerlər əvvəlcədən nəzarətə götürülmüşdü”.

T.Mustafayevin sözlərinə görə, hazırda ölkə boyu elektrik enerjisinin verilməsi ilə bağlı problem yoxdur: “Harada fərdi şikayətlər varsa, onlar da operativ olaraq aradan qaldırılır. 199 Çağırı Mərkəzimiz yüksək səviyyədə xidmət göstərir. Əgər haradasa bizim bilmədiyimiz problem varsa, Çağırı Mərkəzinə müraciət etsinlər və problem aradan qaldırılsın”.



Daha tez məlumatlanmaq üçün Facebook səhifəmizi




Oxşar xəbərlər

Evini kirayə verənlərin nəzərinə!

Fiziki şəxs kirayə gəlirindən vergi ödəyərkən xərclərini çıxmaqla vergini özü hesablamaq və ödəmək hüququ əldə edir, bunun üçün vergi uçotuna düşərək vergi orqanına və kirayəçiyə məlumat verməlidir.

Sabah 20 dərəcə isti olacaq - PROQNOZ

Bakıda və Abşeron yarımadasında noyabrın 19-da hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.

ŞAD XƏBƏR: Bu şəxslərə əlavə ödəniş ediləcək

Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.