Sabirabadda koronavirusla bağlı karantin rejimi sərtləşdirilib
Sabirabadda bu gündən etibarən xüsusi sərtləşdirilmiş karantin rejimi tətbiq olunmağa başlayıb.
Bu barədə Musavat.com-a rayonun sakinləri məlumat veriblər. Məlumata görə artıq bir neçə gündür ki, rayonun mərkəzi xəstəxanası və poliklinika bağlanılıb. Mərkəzi xəstəxananın bütün həkimlərinin koronavirus testindən keçirildiyi, 3 həkimdə koronavirus aşkar edildiyi iddia olunur. Bu səbəbdən rayonda bu gündən etibarən karantin rejiminin sərtləşdirildiyi, apteklər istisna olmaqla bütün iaşə obyektlərinin fəaliyyətinin məhdudlaşdırıldığı bildirilir.
Qeyd edək ki, Sabirabad rayon Gənclər və İdman İdarəsinin rəisi Nadir Quliyev də sosial şəbəkədə bu gündən rayonun karantinə alındığını qeyd edib: “Bu gündən etibarən Sabirabad şəhəri və Kürkənd, Cavad, Türkədi, Qalaqayın kəndləri karantinə alınır. Bu ərazilərdə məhdudiyyətlər olacaq. Əhalidən xahiş edirik gigiyenik qaydalara əməl etməklə, ehtiyac olmadıqda evdən çıxmasınlar və ara məsafəsi saxlasınlar”. Məsələyə aydınlıq gətirmək üçün Musavat.com olaraq dəfələrlə TƏBİB-lə (Tibbi Ərazi Bölmələrini İdarəetmə Birliyi) əlaqə saxlasaq da, zənglərimiz cavabsız qaldı.
Fiziki şəxs kirayə gəlirindən vergi ödəyərkən xərclərini çıxmaqla vergini özü hesablamaq və ödəmək hüququ əldə edir, bunun üçün vergi uçotuna düşərək vergi orqanına və kirayəçiyə məlumat verməlidir.
Növbəti bir həftə ərzində Bakıda və Abşeron yarımadasında hava şəraitinin dəyişkən keçəcəyi, həftənin əvvəlində isə temperaturun kəskin enəcəyi gözlənilir.
Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.