Almaniyalı aktrisa Vilma Elles “NGZ” alman jurnalına müsahibə verib. Aktrisa hazırda rol aldığı “Filinta” serialından bəhs edib: “Bir çox aktrisa adətən roluna görə hamilə obrazını canlandırır. Mən də həm serialda, həm də real həyatda hamiləyəm. Çəkiliş meydançasındakı yaşayışımla reallıq bir-birini tamamlayır”. Əkiz uşaq anası olmağa hazırlaşan Vilma kəbinli həyat yoldaşı, iş adamı Kərəm Göyüşlə toy hazırlıqlarına başladığını deyib: “Hələ toy planları qururuq. Mərasim həm alman, həm də türk ənənələrinə uyğun keçiriləcək. Türkiyədəki nikahdan bir həftə sonra kilsə toyu edəcəyik”. Qeyd edək ki, Vilma Elleslə Kərəm Göyüşün toyu bu ilin yayına planlaşdırılır. Cütlük ötən ilin dekabrında dini nikah bağlayıb. Vilma nikahdan əvvəl islamı qəbul edərək özünə Əsli adını götürmüşdü.
Türk televiziya tarixinin unudulmaz layihələrindən olan "Kurtlar Vadisi"ndə "Cerrahpaşalı Halit" obrazına həyat verən Özcan Varaylı illər sonra məhz həmin karakterin ətrafında cəmləşən "Cerrahpaşalılar" filmi ilə izləyici qarşısına çıxmağa hazırlaşır. Çəkilişlərinə start verilən layihə qısa zamanda serial sevərlərin böyük marağına səbəb olub.
Müğənni Nadir Qafarzadə bu dəfə bəzi toy təşkilatçılarını hədəfə alıb. O, təşkilatçıları müğənnilər arasında ayrı-seçkilik etməkdə, toy sahiblərini istədikləri sənətçiləri dəvət etməkdən çəkindirməkdə və özlərinə yaxın müğənniləri önə çəkməkdə ittiham edib.
Müğənni Vəfa Şərifovanın Rusiyanın Kislovodsk şəhərində polis tərəfindən saxlanıldığı barədə iddia yayılıb.Musavat.com xəbər verir ki, müğənni Afət Fərmanqızı sosial şəbəkə hesabında ad çəkmədən, uzun müddətdir qalmaqal yaşadığı Vəfa Şərifovanın ötən gün polis əməkdaşları tərəfindən saxlanıldığını iddia edib.