Azərbaycanda internetlə bağlı problemlərə operativ reaksiya veriləcək
Azərbaycanda internetlə bağlı yaranan problemlərə operativ reaksiya veriləcək, müraciətlərin qəbulu üçün daha effektiv həllər tətbiq olunacaq.
Bunu Cia.az-a Azərbaycan İnternet Forumunun prezidenti Osman Gündüz deyib.
Onun sözlərinə görə, qeyd olunan məsələ ötən gün Nəqliyyat, Rabitə və Yüksək Texnologiyalar Nazirliyinin yanında İctimai Şuranın internet provayderlərlə təşkil olunan görüşdə müzakirə olunub.
"Mən iki məqama toxundum – internetin əlçatanlığı və keyfiyyəti. Nazirliyin bu məsələlərə dair verdiyi açıqlamalardan belə başa düşmək olar ki, artıq bu sahədə xeyli pozitiv işlər gözlənilir. Şikayətlərin qəbulu ilə bağlı məsələlərə daha çox diqqət yetiriləcək. Nazirlik mövcud problemləri yaxın iki il ərzində həll etmək niyyətindədir. Bunun üçün müraciətlərin qəbulunda daha effektiv həllər tətbiq olunacaq. Düşünürəm ki, burada internetin vəziyyətinin daha da yaxşılaşacağını gözləmək olar", - deyə O. Gündüz qeyd edib.
Fiziki şəxs kirayə gəlirindən vergi ödəyərkən xərclərini çıxmaqla vergini özü hesablamaq və ödəmək hüququ əldə edir, bunun üçün vergi uçotuna düşərək vergi orqanına və kirayəçiyə məlumat verməlidir.
Növbəti bir həftə ərzində Bakıda və Abşeron yarımadasında hava şəraitinin dəyişkən keçəcəyi, həftənin əvvəlində isə temperaturun kəskin enəcəyi gözlənilir.
Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.