Mərkəzi Bankdan 3 manatlıq əsginasların buraxılması məsələsi ilə bağlı AÇIQLAMA
Tədavüldə olan milli valyutanın nominal strukturu adekvat səviyyədədir.
Bu barədə Cia.az-ın sorğusuna əsasən Mərkəzi Mərkəzi Bankdan məlumat verilib.
Ölkədə 3 manatlıq əsginasların tədavülə buraxıla biləcəyi ilə əlaqədar müzakirə və məlumatlara cavab olaraq Mərkəzi Bank hazırda bu məsələnin aktual olmadığı ilə bağlı açıqlama verib.
Bildirilib ki, Mərkəzi Bank ölkənin makroiqtisadi inkişaf templərini və eləcə də tədavüldə olan nağd pul kütləsinin artım dinamikasını nəzərə alaraq ölkə iqtisadiyyatının nağd pulun strukturuna olan tələbini daima qiymətləndirir və onun ödənişlərə adekvatlığını mütəmadi olaraq təhlil edir.
Nəticə olaraq, hazırda tədavüldə olan milli valyutanın nominal strukturunun iqtisadiyyatın bütün seqmentlərinin tələbinin ödənilməsi və ödənişlərin həyata keçirilməsi üçün adekvat səviyyədə olduğu, eləcə də beynəlxalq səviyyədə qəbul olunmuş təcrübəyə tam uyğun olduğu məlumat verilib.
Qeyd edək ki, 7 fevral 2005-ci il tarixli “Azərbaycan Respublikasında pul nişanlarının nominal dəyərinin və qiymətlər miqyasının dəyişdirilməsi (denominasiyası) haqqında” fərmana uyğun olaraq 2006-cı ildən etibarən tədavülə yeni nəsil pul nişanları (AZN) buraxılıb.
Yeni nümuməli pul nişanlarının nominal strukturu 7 ədəd kağız pul nişanından (1, 5, 10, 20, 50, 100, 200 manat) və 6 ədəd metal pul nişanından (1, 3, 5, 10, 20, 50 qəpik) ibarətdir.
2021-ci il yanvar ayında isə dizaynı və mühafizə sistemləri yenilənmiş 1, 5 və 50 manatlıq pul nişanları tədavülə buraxılıb.
Fiziki şəxs kirayə gəlirindən vergi ödəyərkən xərclərini çıxmaqla vergini özü hesablamaq və ödəmək hüququ əldə edir, bunun üçün vergi uçotuna düşərək vergi orqanına və kirayəçiyə məlumat verməlidir.
Növbəti bir həftə ərzində Bakıda və Abşeron yarımadasında hava şəraitinin dəyişkən keçəcəyi, həftənin əvvəlində isə temperaturun kəskin enəcəyi gözlənilir.
Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.