CEYRANBATAN SAKİNLƏRİ SOYUQ AYLARDA QAZSIZ QALIB – “Sayğacları dəyişmək üçün qış aylarını gözləmək lazım idi?”
Abşeron rayonu, Ceyranbatan qəsəbəsi, Yeni Məhəllə yaşayış massivi ərazisində artıq 3 gündür ki, əhaliyə xəbərdarlıq edilmədən təbii qazın verilməsi dayandırılıb.
Hurriyyet.az sakinlərə istinadən xəbər verir ki, “Azəriqaz” İB-nin işçiləri bunu sayğacların dəyişdirilməsi ilə əlaqələndirirlər.
“Qəsəbə sakinləri artıq boğaza yığılıb. Sayğacları dəyişmək üçün soyuq qış aylarını gözləmək lazım idi? “Azəriqaz” İB-nin səriştəsiz fəaliyyəti insanları etiraz etməyə məcbur edir. Azyaşlı körpələr və yaşlı insanlar evdə donur. Bəzi məmurlar qəsdən insanlara əziyyət verir ki, onlar bezsin və etiraza qalxsınlar”, - deyə sakinlər bildirirlər.
Qeyd edək ki, məsələ ilə bağlı “Azəriqaz”la əlaqə saxlamağa çalışsaq da, zəngimiz cavabsız qaldı. Əlaqə nömrlərini saytdan götürüb zəng vurduqda isə, vətəndaşlara verilən cavabı biz də aldıq: “Bağışlayın, hal-hazırda bu istiqamətdə bütün xəttlər məşğuldur. Lütfən daha sonra zəng edin”. Beləliklə, səhər saat 11:00-dan 14:00-a kimi davam edən zəngimizə“Azəriqaz” İB-dən ancaq bu cavabı ala bildik.
Fiziki şəxs kirayə gəlirindən vergi ödəyərkən xərclərini çıxmaqla vergini özü hesablamaq və ödəmək hüququ əldə edir, bunun üçün vergi uçotuna düşərək vergi orqanına və kirayəçiyə məlumat verməlidir.
Növbəti bir həftə ərzində Bakıda və Abşeron yarımadasında hava şəraitinin dəyişkən keçəcəyi, həftənin əvvəlində isə temperaturun kəskin enəcəyi gözlənilir.
Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.