Azərbaycanda sahibkarlıq subyektlərinin yoxlanılmasının dayandırılması şirkət və müəssisələrdə saxta proqram məhsullarından istifadə faktlarının aşkarlanması üzrə yoxlamalara da şamil ediləcək.
Bunu Trendə Müəllif Hüquqları Agentliyindən deyiblər.
Milli Məclis daha əvvəl 2015-ci ilin noyabrın 1-dən sahibkarların yoxlanılmasının 2 il müddətinə dayandırılması haqqında qanun qəbul etmişdi.
Agentlikdən bildiriblər ki, "Microsoft" ilə əməkdaşlığın istiqamətlərindən biri ali təhsil müəssisələrində, banklarda və digər strukturlarda istifadə edilən proqram təminatının leqallaşdırılması məsələsində Müəllif Hüquqları Agentliyinə kömək etməkdir: "Məlum olduğu kimi hazırda bütün yoxlamalar dayandırılıb, lakin bununla yanaşı mövcud imkanlarımız çərçivəsində bazarda vəziyyəti izləməyə çalışırıq".
Qeyd edək ki, daha əvvəl verilən məlumata görə, Azərbaycanda antipirat reydləri 2016-cı ildə başlamalı idi.
Fiziki şəxs kirayə gəlirindən vergi ödəyərkən xərclərini çıxmaqla vergini özü hesablamaq və ödəmək hüququ əldə edir, bunun üçün vergi uçotuna düşərək vergi orqanına və kirayəçiyə məlumat verməlidir.
Növbəti bir həftə ərzində Bakıda və Abşeron yarımadasında hava şəraitinin dəyişkən keçəcəyi, həftənin əvvəlində isə temperaturun kəskin enəcəyi gözlənilir.
Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.