Müğənninin həyat yoldaşı Rene Andjelil bu ilin yanvarında uzun illər mübarizə apardığı xərçəng xəstəliyindən dünyasını dəyişib. Üstündən təxminən bir il keçməsinə baxmayaraq, Selin onun yoxluğuna inanmadığını bildirib:
“Mən həyat yoldaşımı, uşaqlarımın atasını itirdim. Düzdür, bu mənim üçün ağırdır. Amma mən güclü olmalıyam. Çünki, bu, mənim həyat prinsipimdir: güclü, pozitiv olmaq, bu günki gün ilə yaşamaq, hər şeyə hazır olmaq və bilmək ki, həmişə hər arzu reallaşmır”.
Dion onu da əlavə edib ki, həyat yoldaşı dünyasını dəyişsə də, amma müğənni bəzən onun varlığını hiss edir:
“Mənə bəzən elə gəlir ki, o, yanımdadır. Keçən dəfə xizəkdə sürüşürdüm, elə bilirdim Rene də mənimlə bərabər sürüşür”.
Xatırladaq ki, cütlük 1980-ci ildə tanış olub. O zaman S.Dionun 12, R.Andjelilin 38 yaşı olub. Onlar 1991-ci ildə nişanlanıb, 1994-cü ildə ailə həyatı qurublar. Müğənninin bu nikahından 3 övladı var.

cia.az


