banner
banner

Sosİal

Şamaxıya yağan qar sürüşməni aktivləşdirib

Şamaxıya yağan qar sürüşməni aktivləşdirib

Dekabrın 25-də Şamaxı şəhərinə yağan qar sürüşməni aktivləşdirib. Bu barədə Trend-ə Şamaxı şəhər İcra Hakimiyyəti başçısının birinci müavini Qasım Qasımov məlumat verib.

Onun sözlərinə görə, dekabrın 25-də gecə saatlarında şəhər ərazisinə 10-12 santimetr qar yağıb:

"Şəhərin mərkəz hissələrində qarın qalınlığı 7-8 santimetrdir. Amma dağlıq kəndlərdə qarın qalınlığı 10-12 santimetrdən artıqdır. Son vaxtlar havaların yağışlı keçməsi, dünən də qar yağması bəzi ərazilərdə sürüşməni aktivləşdirib".

İcra başçısının birinci müavini bildirib ki, sürüşmə əsasən şəhərin Hüseyn Ciddi küçəsində və Şəhidlər xiyabanının ətrafında, Çabanı, Mədrəsə, Meysəri, Birinci Çaylı, Muğanlı, Acıdərə və Qaleybuğurd yaşayış məntəqələrində aktivləşib. Həmin ərazilər isə sürüşməyə meyili yerlərdir. Hadisə nəticəsində bəzi evlərdə çatlar əmələ gəlib.

Q.Qasımov bildirib ki, hadisə ilə bağlı Ekologiya və Təbii Sərvətlər Nazirliyinin mütəxəssisləri əraziyə dəvət edilib və sürüşmə nəticəsində ziyan çəkən evlərə baxış keçirilib:

"Nazirlik mütəxəssislərinin rəyindən sonra qəzalı evlərlə bağlı akt tərtib edilib və Fövqəladə Hallar Nazirliyinə göndərilib".

Xatırladaq ki, şəhər ərazisində baş verən sürüşmə nəticəsində şəhər mərkəzi və rayonun 7 kəndində - Çabanı, Mədrəsə, Meysəri, Birinci Çaylı, Muğanlı, Acıdərə və Qaleybuğurd yaşayış məntəqəsində 404 evdə çatlar əmələ gəlib.

Cia.az


Daha tez məlumatlanmaq üçün Facebook səhifəmizi




Oxşar xəbərlər

Evini kirayə verənlərin nəzərinə!

Fiziki şəxs kirayə gəlirindən vergi ödəyərkən xərclərini çıxmaqla vergini özü hesablamaq və ödəmək hüququ əldə edir, bunun üçün vergi uçotuna düşərək vergi orqanına və kirayəçiyə məlumat verməlidir.

Sabah 20 dərəcə isti olacaq - PROQNOZ

Bakıda və Abşeron yarımadasında noyabrın 19-da hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.

ŞAD XƏBƏR: Bu şəxslərə əlavə ödəniş ediləcək

Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.