banner
banner

Sosİal

“İnternetdə olan təhlükələr və onlardan müdafiə yolları”

“İnternetdə olan təhlükələr və onlardan müdafiə yolları”

Abşeron rayonunun 5 saylı orta məktəbində 1 İyun Uşaqların Beynəlxalq Müdafiəsi gününə həsr olunmuş “İnternetdə olan təhlükələr və müdafiə yolları” mövzusunda interaktiv dərs keçirilib.

Bu barədə Trend-ə Nəqliyyat, Rabitə və Yüksək Texnologiyalar Nazirliyindən məlumat verilib.

Nəqliyyat, Rabitə və Yüksək Texnologiyalar Nazirliyi “Aztelekom” MMC-nin Marketinq departamentinin əməkdaşları sözügedən mövzu ilə bağlı şagirdlərə ətraflı məlumat verərək, informasiya texnologiyalarının və internetin həyatımızdakı rolundan danışıblar.

Qeyd edilib ki, Dövlət başçısının xüsusi diqqət və qayğısı nəticəsində məktəblərimizdə müasir texnologiyalarla təhciz olunmuş baza yaradılıb, şagirdlərin İKT biliklərini artırması üçün hər cür şərait təmin olunub.

Bildirilib ki, internetin əlçatanlığı sayəsində qısa zaman kəsiyində istənilən elmi, tarixi, mədəni, həmçinin təhsillə bağlı məlumatları asanlıqla əldə etmək mümkündür. Ancaq çox təəssüf ki, bu imkanlardan bəzən mənfi, məqbul olmayan məqsədlər üçün də istifadə olunur. Məhz bu səbəbdən geniş seçim imkanı yaradan sürətli informasiya axınında istifadəçini internet təhlükələrindən, o cümlədən viruslu, arzuolunmaz məzmunlardan və xüsusən də uşaqların psixologiyasına mənfi təsir edən zərərli kontentlərdən qorumaq vacibdir.

Daha sonra şagirdlərə zorakılığı və digər bu növ informasiya mənbələrini təbliğ edən resurslardan qorunmaq, internetdən təhlükəsiz şəkildə istifadə etməyin yolları barədə ətraflı məlumat verilib.

İnteraktiv dərs şəklində keçən tədbirdə şagirdlərin fikirləri də dinlənilib.

Qeyd edək ki, ölkəmizin digər şəhər və rayonlarında da bu mövzu ilə bağlı tədbirlər davam etdiriləcək.​

Cia.az



Daha tez məlumatlanmaq üçün Facebook səhifəmizi




Oxşar xəbərlər

Evini kirayə verənlərin nəzərinə!

Fiziki şəxs kirayə gəlirindən vergi ödəyərkən xərclərini çıxmaqla vergini özü hesablamaq və ödəmək hüququ əldə edir, bunun üçün vergi uçotuna düşərək vergi orqanına və kirayəçiyə məlumat verməlidir.

Sabah 20 dərəcə isti olacaq - PROQNOZ

Bakıda və Abşeron yarımadasında noyabrın 19-da hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.

ŞAD XƏBƏR: Bu şəxslərə əlavə ödəniş ediləcək

Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.