banner
banner

Sosİal

Coğrafiya İnstitutu müşahidə edilən hava haqqında: Küləyin saniyədə 25 metrdən çox sürətlə əsməsi artıq təhlükəlidir

Coğrafiya İnstitutu müşahidə edilən hava haqqında:

Bakı çox küləkli şəhər olduğundan sürəti saniyədə 20-25 metr olan küləyin əsməsi adi haldır və bu, çox da təhlükəli hesab edilmir. Lakin küləyin sürətinin saniyədə 25 metrdən çox olması artıq təhlükəli sayılır.

Bunu Trend-ə Milli Elmlər Akademiyasının (AMEA) Coğrafiya İnstitutunun direktor müavini, coğrafiya üzrə fəlsəfə doktoru Məhərrəm Həsənov deyib.

M.Həsənovun sözlərinə görə, martın 30-da və 31-i gündüzə kimi Bakıda və Abşeron yarımadasında güclü şimal-qərb küləyinin əsəcəyi - küləyin sürətinin 18-23, arabir 25-30 m/s olacağı, yarımadanın bəzi yerlərində arabir 32-35 m/s-dək güclənəcəyi ilə bağlı sinoptiklərin verdiyi proqnozun özünü doğrulub:

"Bizim respublika ərazisi ilə ətraf ərazilər arasında atmosfer təzyiqi fərqi əmələ gəlib. Ona görə də güclü küləyin əsməsi gözlənilən idi. Ötən günlər mülayim hava şəraitinin müşahidə edilməsi soyuq hava kütlələrinin ölkəyə daxil olması üçün şərait yaradıb".

M.Həsənov qeyd edib ki, Bakıda güclü küləklərin əsməsi keçid fəsillərinin əvvəli üçün xarakterikdir. Paytaxtda güclü küləklər mart ayında, eləcə də aprel ayının 5-dək, eyni zamanda oktyabrın sonu-noyabrın əvvəlində müşahidə edilir:

 

"Temperaturun kəskin enməsi və güclü küləklərin əsməsi mart ayı üçün xarakterikdir. Adətən, martda belə hava şəraiti gözlənilən olur".

Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun direktoru Gülşad Məmmədova Trend-ə bildirib ki, ölkə ərazisinə qərbdən soyuq hava kütlələrinin daxil olması nəticəsində havanın temperaturu ötən günlərlə müqayisədə 5-10 dərəcə enəcək. Martın 30-dan 31-i gündüzədək Bakıda və Abşeron yarımadasında hava şəraitinin qeyri-sabit keçəcəyi, güclü şimal-qərb küləyinin əsəcəyi, havanın temperaturunun gündüz 15-20 dərəcə isti olacağı gözlənilir.

G.Məmmədova soyuq hava şəraitinin əsasən martın 30-da müşahidə ediləcəyini söyləyib.

Mütəxəssis hava dəyişməsi nəticəsində gözlənilən temperaturun mart üçün xarakterik olduğunu, əvvəlki illərdə daha aşağı temperaturların qeydə alındığını açıqlayıb.

Proqnozlar Bürosunun direktorunun sözlərinə görə, 2014-cü ildə mart ayında Bakıya hətta qar yağıb.



Daha tez məlumatlanmaq üçün Facebook səhifəmizi




Oxşar xəbərlər

Evini kirayə verənlərin nəzərinə!

Fiziki şəxs kirayə gəlirindən vergi ödəyərkən xərclərini çıxmaqla vergini özü hesablamaq və ödəmək hüququ əldə edir, bunun üçün vergi uçotuna düşərək vergi orqanına və kirayəçiyə məlumat verməlidir.

Sabah 20 dərəcə isti olacaq - PROQNOZ

Bakıda və Abşeron yarımadasında noyabrın 19-da hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.

ŞAD XƏBƏR: Bu şəxslərə əlavə ödəniş ediləcək

Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.