banner
banner

Sosİal

“Abdulla cavan oğlanın boyununa zəncir vurub, it kimi gəzdirib“

“Abdulla cavan oğlanın boyununa zəncir vurub, it kimi gəzdirib“

Bunu bilirəm! Çünki həmin adamın cavab vermək imkanı yoxdur. Ancaq "AMAY ABDULLA”nın məhkəmədə "guruldaması” məni bu sətrləri yazmağa vadar etdi. Abdulla deyir ki, o, xan nəvəsidir.

Əslən Naxçıvandan olsam da, bu məlumatın nə dərəcədə doğru və ya yalan olması haqda nəsə deyə bilmərəm. Zənn edək ki, Abdulla doğru danışır və o, həqiqətən xan nəvəsidir. Adətən belə əsl – nəcabətə malik olan şəxslər bir sıra üstün keyfiyyətləri özündə cəmləmiş olur. Bəs, Adullada necə, belə kriteriyalar olubmu?

Abdullanı konkret olaraq "AMAY”a görə tutublar. Mən onun həmin ticarət mərkəzinin tikintisində dövlətə nə qədər ” atdığını” deyə bilmərəm, ancaq bir çox insanların haqqını tapdamasını, bəzilərinə necə zülm etməsini dəqiq söyləyə bilərəm.

Çox savadlı və əxlaqlı qohumlarımdan biri universitetdə oxuyanda, öz tələbə yoldaşları ilə birlikdə "AMAY”ın tikintisində fəhlə işləyib. Qohumum deyir ki, düz 3 ay işləyiblər, ancaq oradan bir qəpik də olsun pul ala bilməyiblər. Sən demə, Abdullanın işçiləri tikintini bu üsulla aparırmışlar. Bir briqdanı 3 ay işlətdikdən sonra, onları pulsuz-parasız yola salıb, yerinə başqasını götürürmüşlər. Beləcə də, pulsuz işləyən fəhlə "karuseli” fırlanırmış. Qohumum deyir ki, yeganə ümidləri Abdullaya mürəciət etməyə qalıbmış. Hər halda, onun məsələyə əncam çəkəcəyinə inamları böyük olub.

Əl-qərəz, gediblər Abdullanın yanına. O, fəhləlik edən tələbələri dinlədikdən sonra, deyib: "Buradan elə gedirsiniz ki, gözüm sizi görməsin!”. Sonra əlaltılarına deyib ki,uşaqlara görk olmaq üçün ustanı gətirsinlər.

Tələbələr dəhşətə gəlib. Görüblər ki, bir nəfər cavan oğlanın boğazına zəncir salıb, it bənzər dörd ayaqlı kimi gətirirlər. Abdulla tələbələrə deyib ki, birdə onları pul tələb edən görsə, həmin ustanın gününə salacaq. Sonra məlum olub ki, sən demə, həmin usta oğlanın tavana vurduğu alçipan Abdullanın xoşuna gəlmədiyi üçün onu elə vəziyyətə saldırıbmış.

İndi özünüz nəticə çıxarın. Belə hərəkətlər xan nəvəsinə yaraşarmı?

Məhəmmədəli QƏRİBLİ,(Azinform.az)



Daha tez məlumatlanmaq üçün Facebook səhifəmizi




Oxşar xəbərlər

Evini kirayə verənlərin nəzərinə!

Fiziki şəxs kirayə gəlirindən vergi ödəyərkən xərclərini çıxmaqla vergini özü hesablamaq və ödəmək hüququ əldə edir, bunun üçün vergi uçotuna düşərək vergi orqanına və kirayəçiyə məlumat verməlidir.

Sabah 20 dərəcə isti olacaq - PROQNOZ

Bakıda və Abşeron yarımadasında noyabrın 19-da hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.

ŞAD XƏBƏR: Bu şəxslərə əlavə ödəniş ediləcək

Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.