Şagirdlərin davamiyyəti barədə SMS-bildiriş dayandırılır
İyul ayından etibarən şagirdlərin dərslərə davamiyyəti barədə valideynlərə SMS-bildiriş xidməti müvəqqəti olaraq dayandırılacaq.
Bu barədə Trend-ə “Mobile Solutions & Marketing Technologies” şirkətindən (xidmətin operatoru) bildiriblər.
Şirkətdən deyiblər ki, yay tətili ilə əlaqədar olaraq, SMS-bildiriş xidməti yeni tədris ilinə qədər müvəqqəti dayandırılacaq.
Cari tədris ili məktəblərdə iyunun 14-də başa çatır. Son imtahanların qiymətlərinin də elektron jurnala yazılması səbəbindən SMS-bildiriş xidməti iyunun sonunadək açıq olacaq. Bununla belə, iyunda xidmətdən istifadəyə görə abunə haqqı tutulmayacaq.
Qeyd edək ki, şagirdlərin davamiyyəti üzrə SMS-bildiriş xidməti "Elektron məktəb" layihəsində iştirak edən 40-dan çox məktəbdə (Bakı, Sumqayıt, Gəncə, Lənkəran, Şirvan, Şamaxı, Quba, Ağdaş, İsmayıllı, Tovuz və Ağstafada) tətbiq olunub.
SMS-bildiriş xidməti Azərbaycanın bütün mobil rabitə operatorlarının (Bakcell, Azercell və Azerfon) şəbəkələrində əlçatandır.
Xidmətə qoşulmaq üçün məktəbə müraciət etmək və ya 9988 nömrəsinə şagirdin adı, soyadı, atasının adı, məktəbin, sinifin nömrəsi və ev telefonu qeyd olunmaqla qısa SMS göndərilməlidir. Aylıq abunə haqqı 4,72 manatdır.
Fiziki şəxs kirayə gəlirindən vergi ödəyərkən xərclərini çıxmaqla vergini özü hesablamaq və ödəmək hüququ əldə edir, bunun üçün vergi uçotuna düşərək vergi orqanına və kirayəçiyə məlumat verməlidir.
Növbəti bir həftə ərzində Bakıda və Abşeron yarımadasında hava şəraitinin dəyişkən keçəcəyi, həftənin əvvəlində isə temperaturun kəskin enəcəyi gözlənilir.
Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.