Qazaxıstanda sabiq daxili işlər naziri Erlan Turqumbayev saxlanılıb.
Cia.az xəbər verir ki, bu barədə “Kazinform” agentliyi mənbələrə istinadən məlumat yayıb.
Qazaxıstanın Daxili İşlər Nazirliyinin sabiq rəhbəri 2022-ci ilin yanvarında baş vermiş faciəvi hadisələrlə bağlı vəzifə səlahiyyətlərindən sui-istifadə maddəsi ilə ona qarşı açılmış cinayət işi çərçivəsində saxlanılıb.
Agentlik qeyd edib ki, martın 20-də o, artıq prokurorluqda dindirilib.
Məlumatı Qazaxıstan Baş Prokurorluğu da təsdiqləyib.
Qeyd olunub ki, Qazaxıstan Respublikasının Baş Prokurorluğu 2022-ci ilin yanvar hadisələri ilə bağlı cinayət işlərinin istintaqını davam etdirib. Belə ki, bu il aprelin 29-da keçmiş daxili işlər naziri Erlan Turqumbayev ağır nəticələrə səbəb olan vəzifə səlahiyyətlərindən sui-istifadə etdiyinə görə saxlanılıb./axar.az/
Qusar rayonunda ekoloji hüquqpozmaların törədilməsi və digər qanun pozuntuları üzrə fakta görə Azərbaycan Respublikası Cinayət Məcəlləsinin müvafiq maddələri ilə Baş Prokurorluqda başlanmış cinayət işinin ibtidai istintaqı Baş prokuror yanında Korrupsiyaya qarşı Mübarizə Baş İdarəsində davam etdirilir.
Türkiyənin ən çox izlənən “Kızılcık Şerbeti” serialında 'Nilay' obrazını canlandıran Feyza Civelek narkotik sifarişi etdiyi üçün polis tərəfindən saxlanılıb.
Bakı Ağır Cinayətlər Məhkəməsində qardaşını xüsusi amansızlıqla öldürməkdə ittiham olunan Bayram Abbasovun cinayət işi üzrə məhkəmə prosesi başa çatıb.