Koxlear implantasiya eşitmə itkisi olan şəxslərdə eşitmənin bərpası üçün tətbiq olunan ən müasir və effektiv tibbi üsullardan biridir. Əməliyyat anadangəlmə ağır dərəcəli ikitərəfli eşitmə azlığı olan uşaqlara və eşitmə cihazlarından fayda görməyən, ikitərəfli ağır eşitmə itkisi olan şəxslərə icra edilir. Uşaqlarda yaş həddi 5 yaş (nitq qabiliyyəti yoxdur), böyüklərdə isə bu hədd 65 yaş kimi müəyyən edilir. 2025-ci ilin birinci yarısında eşitmə qabiliyyətinin bərpası üçün 66 nəfərə icbari tibbi sığorta hesabına koxlear implantasiya əməliyyatı icra olunub.
“Qafqazinfo” xəbər verir ki, diaqnozu təyin etmək üçün pasiyentlər ilk növbədə TƏBİB-in tabeliyindəki dövlət tibb müəssisələrinə və ya Səhiyyə Nazirliyinin tabeliyindəki müvafiq elmi-tədqiqat institutlarına müraciət etməlidirlər.
Diaqnozun təyini məqsədilə icbari tibbi sığorta hesabına Bera test, kompüter tomoqrafiyası (KT), maqnit rezonans tomoqrafiyası (MRT) və audiometriya müayinələri aparılır. Diaqnoz təsdiqləndikdən sonra əməliyyatın icrası İcbari Tibbi Sığorta üzrə Dövlət Agentliyi ilə müqaviləsi olan tibb müəssisələrində (özəl və müvafiq dövlət orqanlarının tabeliyindəki) göndəriş əsasında təmin edilir. Əməliyyat tibbi göstərişə və təhlükəlilik dərəcəsinə görə növbəlilik prinsipi ilə həyata keçirilir.
Əməliyyat zamanı istifadə olunan dərman və tibbi sərf, daxili cihaz (implant sistemi) və cihazın yerləşdirilməsindən 1 ay sonra təmin edilən üst cihaz (nitq prosessoru) icbari tibbi sığorta ilə qarşılanır. Məlumat üçün bildirək ki, nitq prosessoru yalnız implantasiya əməliyyatı zamanı quraşdırılır və bu zaman icbari tibbi sığorta ilə qarşılanır. Əməliyyatdan sonrakı dövrlərdə nitq prosessorunun sıradan çıxması və ya yenisi ilə əvəz olunması halları icbari tibbi sığorta təminatına daxil deyil.
Əməliyyatdan sonra pasiyentlər icbari tibbi sığorta çərçivəsində 12 aylıq reabilitasiya dövrünə cəlb olunurlar. Bu müddətdə cihazda 3 dəfə səs tənzimlənməsi təmin edilir, habelə 36 seans loqoped və 36 seans psixoloq xidməti həyata keçirilir. Loqoped və psixoloq əsasən nitq qabiliyyəti olmayan uşaqlar üzərində işləyirlər. Bu zaman loqoped və psixoloq tərəfindən uşaqların eşitmə qavrayışı və nitqi inkişaf etdirilir, davranış, qavrama və ünsiyyət bacarıqlarının gücləndirilməsi üçün işlər aparılır.
Koxlear implantasiya əməliyyatı və reabilitasiya sayəsində eşitmə və danışma məhdudiyyəti olan şəxslər sosial həyata aktiv şəkildə qoşularaq, şəxsi inkişaf imkanlarını genişləndirə bilirlər.
Bu gün Bakıda 8 Noyabr - Zəfər Gününün beşinci ildönümü münasibətilə hərbi parad keçiriləcək. Adətən Azərbaycanda bayram günlərində rəsmi tədbirlər səhər saatlarında keçirilsə də, bugünkü parad günorta başlayacaq.Cia.az-ın əldə etdiyi məlumata görə, Azadlıq meydanında təşkil olunacaq tədbirin 13:00-da başlanacağı gözlənilir. Bu dəyişiklik Türkiyə Prezidenti Rəcəb Tayyip Ərdoğanın təyyarəsinin Bakıya saat 13:00 radələrində eniş etməsi ilə bağlıdır. Qardaş ölkənin rəhbəri gəldikdən sonra rəsmi tədbirə - hərbi parada start veriləcək.
Heydər Əliyev Fondunun vitse-prezidenti, İDEA İctimai Birliyinin təsisçisi və rəhbəri Leyla Əliyeva 8 Noyabr - Zəfər Günü ilə bağlı rəsmi İnstaqram hesabında paylaşım edib.
Prezident Administrasiyasının sabiq rəhbəri Ramiz Mehdiyevin həbsindən sonra fövqəladə hallar nazirinin müavini vəzifəsində çalışan oğlu Teymur Mehdiyevin işdən çıxarılacağı iddia olunsa da, bu xəbərlər təsdiqini tapmadı.
Bir faktı istintaq orqanlarına çatdırıram. Təxminən 2010-cu illər Ramiz Mehdiyev öz şəbəkəsini üstümə salan vaxtı Azərbaycanda hörmətli bir professor mənə çox maraqlı bir faktı açıqlamışdı. Onun dediyinə görə özü Gürcüstanın Qaradabani rayonunun Roza kəndində anadan olub. Mən də həmin rayonda böyüdüyümdən araşdırmam zamanı bildim ki, hal-hazırda həmin kənd mövcud deyil və bir çox başqa yaşayış məntəqələri ilə birləşdirilib hazırda Yenikənd, yaxud Təzəkənd adlanır. R.Mehdiyevin həyat yoldaşı da həmin kənddə boya-başa çatıb və riyaziyyata maraqlı olub. Onun namizədlik və doktorluq dissertasiyalarının müdafiəsində professorun xüsusi rolu olub. Keçmiş SSRİ-nin xüsusi xidmət orqanlarının xaç atası kimi tanınan Yevgeni Primakovun birinci həyat yoldaşı Laura Vasilyevna Xaradze də həmin kənddə doğulub, böyüyüb və Qalinanın dost doğma əmisi, ya dayısı qızıdır.
