“Bu ilin sonunda əfvlə bağlı sərəncamın olub-olmaması barədə hər hansı rəsmi məlumat yoxdur. Nəzərə almaq lazımdır ki, Azərbaycanda əfv etmək cənab Prezidentin müstəsna konstitusion səlahiyyətidir və sərəncam cənab Prezident tərəfindən verilir. Ümumiyyətlə, əfvin nə vaxt olacağı barədə hər hansı göstəriş yoxdur. Bunu Prezident özü müəyyənləşdirir. Kimlərin adının siyahıya daxil edilməsi məsələsi də var”.
Cia.az xəbər verir ki, bu sözləri Pravda.az-a açıqlamasında Əfv Məsələləri Komissiyasının üzvü Əlimməd Nuriyev deyib.
“Mətbuatda gedən müzakirələri başa düşürəm. Həmişə mühüm tarixi hadisələr ərəfəsində ayrı-ayrı hüquq müdafiəçiləri də əfv sərəncamını gündəmə gətirirlər. Bir qayda olaraq əfv sərəncamı Azərbaycanın tarixi hadisələri, yaxud milli bayramları ərəfəsində olur. Bunu əsas götürərək düşünürlər ki, əfv sərəncamı ola bilər. Bilirsiniz ki, noyabrın 8-də tarixi qələbəmizin beşinci ildönümüdür. Eyni zamanda 2025-ci il “Konstitusiya və Suverenlik İli” elan olunmuşdu. Əfv hüququ da konstitusion hüquqlardan biridir. Lakin Azərbaycanda əfv institutu praktikasına diqqət yetirsək, bir qayda olaraq il ərzində bir dəfə əfv sərəncamı imzalanır. Çox nadir hallarda ikinci əfv sərəncamı ola bilər. Bu ilin may ayında əfv sərəncamı olduğu üçün yaxın aylarda yeni sərəncam olacağını düşünmürəm. Çünki hazırda Əfv Məsələləri Komissiyasının iclasları başlamayıb. Hər şeydən əvvəl, praktikaya görə, birinci Komissiyasının iclasları işə başlayır, bir neçə ay müraciətlərə baxılır, cənab Prezidentə rəylər təqdim olunur. Kimin əfv olunub-olunmaması məsələsi həllini tapır. Hazırda belə bir halın olmaması göstərir ki, yaxın vaxtlarda əfv sərəncamı real görünmür”, – o bildirib.
Bu gün Bakıda 8 Noyabr - Zəfər Gününün beşinci ildönümü münasibətilə hərbi parad keçiriləcək. Adətən Azərbaycanda bayram günlərində rəsmi tədbirlər səhər saatlarında keçirilsə də, bugünkü parad günorta başlayacaq.Cia.az-ın əldə etdiyi məlumata görə, Azadlıq meydanında təşkil olunacaq tədbirin 13:00-da başlanacağı gözlənilir. Bu dəyişiklik Türkiyə Prezidenti Rəcəb Tayyip Ərdoğanın təyyarəsinin Bakıya saat 13:00 radələrində eniş etməsi ilə bağlıdır. Qardaş ölkənin rəhbəri gəldikdən sonra rəsmi tədbirə - hərbi parada start veriləcək.
Heydər Əliyev Fondunun vitse-prezidenti, İDEA İctimai Birliyinin təsisçisi və rəhbəri Leyla Əliyeva 8 Noyabr - Zəfər Günü ilə bağlı rəsmi İnstaqram hesabında paylaşım edib.
Prezident Administrasiyasının sabiq rəhbəri Ramiz Mehdiyevin həbsindən sonra fövqəladə hallar nazirinin müavini vəzifəsində çalışan oğlu Teymur Mehdiyevin işdən çıxarılacağı iddia olunsa da, bu xəbərlər təsdiqini tapmadı.
Bir faktı istintaq orqanlarına çatdırıram. Təxminən 2010-cu illər Ramiz Mehdiyev öz şəbəkəsini üstümə salan vaxtı Azərbaycanda hörmətli bir professor mənə çox maraqlı bir faktı açıqlamışdı. Onun dediyinə görə özü Gürcüstanın Qaradabani rayonunun Roza kəndində anadan olub. Mən də həmin rayonda böyüdüyümdən araşdırmam zamanı bildim ki, hal-hazırda həmin kənd mövcud deyil və bir çox başqa yaşayış məntəqələri ilə birləşdirilib hazırda Yenikənd, yaxud Təzəkənd adlanır. R.Mehdiyevin həyat yoldaşı da həmin kənddə boya-başa çatıb və riyaziyyata maraqlı olub. Onun namizədlik və doktorluq dissertasiyalarının müdafiəsində professorun xüsusi rolu olub. Keçmiş SSRİ-nin xüsusi xidmət orqanlarının xaç atası kimi tanınan Yevgeni Primakovun birinci həyat yoldaşı Laura Vasilyevna Xaradze də həmin kənddə doğulub, böyüyüb və Qalinanın dost doğma əmisi, ya dayısı qızıdır.
