banner
banner

Gündəm

AMEA 30 magistrantı yataqxana ilə təmin etməyi planlaşdırır

AMEA 30 magistrantı yataqxana ilə təmin etməyi planlaşdırır

Azərbaycan Milli Elmlər Akademiyası (AMEA) 30 magistrantı yataqxana ilə təmin etməyi planlaşdırır.

Trend-in məlumatına görə, bunu Azərbaycan Milli Akademiyasının prezidenti, akademik Akif Əlizadə Bilik Gününə həsr olunmuş tədbirdə çıxışı zamanı deyib.

O qeyd edib ki, 2018-2019-cu tədris ilində AMEA-nın magistraturasına daxil olmaq üçün 92 plan yeri üzrə 1124 bakalavr müraciət edib:

"Bu, 1 yer üzrə 12-13 nəfərin sənəd verməsi deməkdir. Amma elə ixtisaslar var ki, orada 1 yer üzrə 41 nəfər bakalavr ərizə verib. Bu onu göstərir ki, AMEA-nın magistraturasına maraq ildən-ilə artır".

 

Akademiya prezidenti bildirib ki, bu il magistraturaya 19 ixtisas üzrə 67 bakalavr daxil olub. Bu gün akademiyada 200-dək magistr təhsil alır.

A.Əlizadənin sözlərinə görə, AMEA-da magistratura təhsil pilləsinin təşkili magistrantlara elmi fəaliyyət üçün geniş imkanlar yaradır:

"Onlar AMEA-nın həqiqi və müxbir üzvləri, eləcə də digər nüfuzlu alimlərlə birlikdə tədqiqatlar aparırlar. Azərbaycanda elm və təhsilin inteqrasiyası üçün ciddi addımlar atılır. Bu inteqrasiya həm də Avropa təhsilinə uyğunlaşma üçündür. Akademiyanın elmi müəssisələri çox gözəl elmi bazaya malikdir".



Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.