Bakıda avtobus sürücüləri arasında dava düşüb. Onları sərnişinlər sakitləşdirib. Davaya səbəb isə sürücülərdən birinin digərinin vaxtına girməsi olub.
Xezerxeber.az-ın məlumatına görə, avtobus sürücüləri əvvəlcə mübahisə edib, daha sonra isə mübahisə davaya çevrilib.
Məlum olub ki, davanın baş verməsinə sürücülərdən birinin digərinin vaxtına girməsi səbəb olub.
Dava edən sürücüləri sonda sərnişinlər sakitləşdirib.
Görüntülər sərnişinlərdən biri tərəfindən çəkilərək "Xəzər Xəbər"in votsap nömrəsinə göndərilib.
Araşdırma zamanı məlum oldu ki, hadisə paytaxtın Sabunçu rayonu ərazisində, 55 saylı avtobus sürücülərinin arasında baş verib.
Sözügedən xəttin dispetçeri Şahin Əliyev bildirdi ki, artıq həmin sürücülər müəyyən edilib və daşıyıcı şirkət tərəfindən cəzalandırılıb.
Şahin Əliyev əlavə etdi ki, digər sürücülərə də öz hərəkət qrafiklərinə əməl etmək barədə tapşırıqlar verilib. Belə hallara yol verən sürücülərə güzəşt edilməyəcək.
Bakı Nəqliyyat Agentliyindən isə bildirildi ki, görüntülərlə bağlı araşdırma aparılacaq və lazımi tədbirlər görüləcək.
Növbəti bir həftə ərzində Bakıda və Abşeron yarımadasında hava şəraitinin dəyişkən keçəcəyi, həftənin əvvəlində isə temperaturun kəskin enəcəyi gözlənilir.
Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.
Qış mövsümünün yaxınlaşması ilə daşınmaz əmlak və istilik sistemləri bazarında elektrikli kombilərə olan maraq əhəmiyyətli dərəcədə artıb. Xüsusilə təbii qaz xətti olmayan yeni yaşayış sahələrində, bağ evlərində və sənaye obyektlərində elektrikli kombilər əsas alternativlərdən birinə çevrilib.