“Qafqaz İt Cinslərinin Həvəskarları” İctimai Birliyi ölkədə it cinslərinin yetişdirilməsinə başlayıb.
Bu barədə Trend-ə birliyin Mətbuat xidmətindən məlumat verilib.
Məlumatda bildirilir ki, təşkilat hazırda qurdbasar it cinsini təkmilləşdirməklə və onun beynəlxalq təqdimatı ilə məşğul olur.
“Qafqaz İt Cinslərinin Həvəskarları” İctimai Birliyi tərəfindən hazırda Azərbaycanın milli it cinsi olan qurdbasarın tanıdılması, bərpası və qorunması layihəsini həyata keçirməyə başlayıb.
Təşkilat layihə çərçivəsində gənc fermerlərə dəstək məqsədilə Amil Qardaşovun fərdi təsərrüfatının qorunması üçün ona qurdbasar küçüyü hədiyyə edib. Qurdbasar küçüyünün şəcərəsi damazlıq kitabında qeydiyyatdan keçib və küçüyün sahibinə pasport təqdim edilib.
“Qafqaz İt Cinslərinin Həvəskarları” İctimai Birliyi gələcəkdə də milli it cinsimiz olan qurdbasarın beynəlxalq aləmdə tanıdılması, vətəndaşlarımıza, xüsusilə gənclərə sevdirilməsi istiqamətində silsilə tədbirlər həyata keçirməyi davam etdirəcək.
Növbəti bir həftə ərzində Bakıda və Abşeron yarımadasında hava şəraitinin dəyişkən keçəcəyi, həftənin əvvəlində isə temperaturun kəskin enəcəyi gözlənilir.
Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.
Qış mövsümünün yaxınlaşması ilə daşınmaz əmlak və istilik sistemləri bazarında elektrikli kombilərə olan maraq əhəmiyyətli dərəcədə artıb. Xüsusilə təbii qaz xətti olmayan yeni yaşayış sahələrində, bağ evlərində və sənaye obyektlərində elektrikli kombilər əsas alternativlərdən birinə çevrilib.