banner
banner

Gündəm

Cahangir Hacıyevin məhkəməsində departament direktoru: Kreditlərin verilməsində müəyyən pozuntular olurdu

Cahangir Hacıyevin məhkəməsində departament direktoru:

Bakı Ağır Cinayətlər Məhkəməsində mənimsəmədə təqsirləndirilən “Azərbaycan Beynəlxalq Bankı” ASC-nin İdarə Heyətinin sabiq sədri Cahangir Hacıyev, onun bacanağı İsmayıl Hidayət-zadə, sabiq deputat Dünyamin Xəlilov, Camal Həsənov, Sərxan Rəsulov, Natiq İmanov, Samir Hacıyev, Təbriz Əbdülhəmidov, Mahir Qafarov, Sadıx Murtuzayev, Tərlan Məhərrəmov, Fəxrəddin Heybətov, Ramin Əhmədov, Fariz Muradov, Səlahəddin Qədirov, Erxan Cavad, Arif Ramazanov, Navai Şirinov, Svetlana Əsədullayeva, Arif Mədətov, Adil Mikayılov, Ramis Kərimovun cinayət işi üzrə məhkəmə iclası davam etdirilib.

Trend-in məlumatına görə, hakim Faiq Qəniyevin sədrliyi ilə keçirilən prosesdə şahid qismində Elşən Məmmədzadə ifadə verib.

O, hazırda Beynəlxalq Bankın Nağdsız hesablaşmalar departamentinin direktoru vəzifəsində çalışdığını söyləyib: "Bankda bəzi hallarda kreditlər tapşırıqla ayrılıb. Həmin vaxt da mən Kreditorlar komitəsinin üzvü idim. Tapşırıq verilmişdi ki, Dünyamin Xəlilova məxsus şirkətlərə - "Səbail Mebel" MMC-yə və digərlərinə kredit verək. Ancaq kretirlər müqavilə əsasında köçürülürdü, burada qanunsuz işlər görülmürdü. Lakin bəzi istisna hallarda kreditlərin verilməsində müəyyən pozuntular olurdu. Mən də bunun əleyhinə səs vermirdim. Çünki bu, rəhbərliyin tapşırığı idi. Əsasən göstərişləri Akif Əliyev verirdi. O da deyirdi ki, rəhbərliyin sifarişidir, ancaq rəhbərlik deyərkən konkret kimi nəzərdə tutduğunu bilmirəm".

Məlum olub ki, şahid ali təhsil almadan bankda mühüm vəzifələrdə çalışıb.

Daha sonra digər şahid Fuad Kərimov dindirilib. O 2013-cü ilin yanvarından 2015-ci ilədək Bankın Baş xəzinədarlıq departamentinin direktoru vəzifəsində çalışdığını qeyd edib: "İşim, əsasən Bankda veksel əməliyyatları aparmaq olub".

Prosesdə şahid Akif Əliyev də ifadə verib. O bildirib ki, 1990-cı ildən 2017-ci ilədək Bankda müxtəlif vəzifələrdə, 2001-ci ildən 2011-ci ilə kimi Kreditorlar komitəsinin sədri, 2011-2015-ci illərdə Bankın baş direktoru, daha sonra Problemli kreditlər komitəsinin sədri vəzifəsində çalışıb, hazırda işsizdir.

 

A.Əliyevin sözlərinə görə, Kreditorlar komitəsində çalışarkən ən yüksək limit 2 milyon 400 min manat olub: "Kreditlər Bankın İdarə Heyəti sədrinin sərəncamı ilə verilirdi. Bank müxtəlif layihələri maliyyələşdirirdi, layihələrin də əksəriyyətinə Dünyamin müəllim nəzarət edirdi. O, şirkətlərinə kredit verilməsi üçün bizə müraciət edirdi. Cahangir müəllim də Dünyamin Xəlilovun belə bir layihəsi olduğunu və onu maliyyələşdirmək lazım olduğunu söylədi. Biz də verilən tapşırığı icra edirdik".

Prosesdə fasilə elan olunub.

Qeyd edək ki, rəsmi məlumata əsasən, aparılmış istintaqla 2001-2015-ci illərdə “Azərbaycan Beynəlxalq Bankı” ASC-nin İdarə Heyətinin sədri vəzifəsində işləmiş C.Hacıyevin göstərişləri əsasında ayrı-ayrı ölkələrdə yaradılmış hüquqi şəxslərlə real dəyəri olmayan sadə veksellərin alqı-satqısına dair 3,4 milyard ABŞ dolları və 987 milyon avro məbləğində (müvafiq dövrün məzənnəsi ilə 3,8 milyard manat) müqavilələr bağlanılaraq qanunsuz veksel əməliyyatları aparılmasına dair əsaslı şübhələr müəyyən edilib.

Aparılmış istintaqla C.Hacıyevin tanışı Dünyamin Xəlilov, digər 20 nəfər və qeyriləri ilə birlikdə qanunsuz maliyyə əməliyyatları aparılan və real dəyəri olmayan veksellərin alınması, eləcə də təminatı olmayan kreditlərin verilməsi yolu ilə ümumilikdə 4,7 milyard manat məbləğində pul vəsaitinin mənimsəmə və digər cinayətlər yolu ilə 2,5 milyard manat hissəsini ələ keçirməklə cinayət yolu ilə əldə edilmiş həmin vəsaitin 2 milyard manatını leqallaşdırmasında, digər 2,2 milyard manat məbləğində pul vəsaitinin isə müxtəlif əməliyyatlara yönəltməklə “Azərbaycan Beynəlxalq Bankı” ASC-yə ziyan vurmasına əsaslı şübhələr müəyyən edilib.

Xatırladaq ki, C.Hacıyev Bakı Ağır Cinayətlər Məhkəməsinin hökmü ilə 15 il, D.Xəlilov 13 il və İ.Hidayət-zadə isə 7 il müddətinə azadlıqdan məhrum edilib. Bakı Apllyasiya Məhkəməsinin qərarı ilə D.Xəlilovun cəzası 13 ildən 12 il 9 aya, Ali Məhkəmə isə İ.Hidayət-zadənin cəzasını 5 ilə endirib.



Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.