banner
banner

Sosİal

Ağsu aşırımı ilə bağlı YENİ TƏKLİF – Yol dəyişdirilsin, turizm zonası yaradılsın

Ağsu aşırımı ilə bağlı YENİ TƏKLİF –

Bakı-Şamaxı-Yevlax avtomobil yolunun 143-157-ci kilometrliyində, yəni yolun Ağsu aşırımı hissəsində turizm və elmi əhəmiyyətli zonanın yaradılması təklif edilir.

Bu təklifi irəli sürən Azərbaycan Milli Elmlər Akademiyası Coğrafiya İnstitutunun Ekocoğrafiya şöbəsinin müdiri, kənd təsərrüfatı elmləri namizədi Ənvər Əliyev Trend-ə bildirib ki, sürüşmə baxımından olduqca təhlükəli olan Ağsu aşırımını ondan iki dəfə qısa olan Ağsuçay dərəsindən yol çəkməklə əvəz etmək daha münasib olar.

Alim qeyd edib ki, təbii və antropogen amillər dəniz səviyyəsindən təxminən 700 metr yüksəklikdə yerləşən, 14 km-lik Ağsu aşırımına ciddi təsir edir: "Sürüşmələr yolun bu hissəsində kifayət qədər problemlər yaradır. Bunun nəticəsində nadir ekosistemi - flora və faunası, çox gözəl təbii mənzərəsi olan Ağsu aşırımı sıradan çıxır. Bu yolu çəkməklə Ağsu aşırımında olan sürüşmə problemini birdəfəlik aradan qaldırmaq olar".

Ə.Əliyevin sözlərinə görə, Ağsu aşırımında təbiətin müxtəlif geoloji dövrlərinə aid çox gözəl və qədim süxur çıxıntıları var:

“Bu süxur çıxıntıları açıldıqdan sonra onların üstü şəffaf örtüklə örtülə bilər. Bununla da bütün dünyada çox yaxşı təcrübə olan elmi-kütləvi bir zona yaratmaq olar. Nəticədə bu unikallığı görmək üçün buraya həm turistlər səfər edə, həm də alimlər elmi-tədqiqat işləri apara bilərlər. Ən əsası, nadir təbiət nümunəmiz qorunar”.

O əlavə edib ki, yeni yol çəkilərsə, ilin bütün fəsillərində, xüsusilə də isti aylarda Ağsu aşırımında insanların kütləvi istirahəti üçün zonalar da ayırmaq olar: "Bunun üçün istirahət mərkəzlərində hərəkət edən yüngültutumlu nəqliyyat vasitələrindən istifadə məsləhətdir".

 

Tədqiqatçının sözlərinə görə, Bakı-Şamaxı yolunun da qısaldılması üçün kifayət qədər imkan var. Lakin yolların çəkilişi zamanı bu imkanlar nəzərə alınmayıb: "Bakı-Şamaxı yolunu 20-30 km, müasir üsullardan istifadə etməklə azaltmaq olar. Bu isə Bakıdan Şamaxıya avtomobillə maksimum 1 saata getməyə imkan yaradar. Bu, yoldan istifadə edən insanlara rahatlığın yaradılması ilə yanaşı, ekoloji baxımdan da faydalıdır".

Ə.Əliyev bu təkliflərini Nazirlər Kabinetinə göndərəcəyini söyləyib.

Azərbaycan Avtomobil Yolları Dövlət Agentliyinin İctimaiyyətlə əlaqələr şöbəsinin rəisi Anar Nəcəfli isə Trend-ə bildirib ki, Bakı-Ağsu avtomobil yolunun çəkilməsi ilə bağlı təklilfərini hələ 2017-ci ildə Nazirlər Kabinetinə təqdim ediblər:

"Təkliflərdə yeni yolun Ağsu aşırımından keçməməklə, Ağsuçayın kənarı ilə çəkilməsi, eyni zamanda, Muğanlı-İsmayıllı yolunun yenidən inşası məsələsi öz əksini tapıb. Təklif Nazirlər Kabineti tərəfindən qəbul edilib. Dövlət tərəfindən maliyyə vəsaiti ayrılan kimi layihənin icrasına başlanacaq".



Daha tez məlumatlanmaq üçün Facebook səhifəmizi




Oxşar xəbərlər

Evini kirayə verənlərin nəzərinə!

Fiziki şəxs kirayə gəlirindən vergi ödəyərkən xərclərini çıxmaqla vergini özü hesablamaq və ödəmək hüququ əldə edir, bunun üçün vergi uçotuna düşərək vergi orqanına və kirayəçiyə məlumat verməlidir.

Sabah 20 dərəcə isti olacaq - PROQNOZ

Bakıda və Abşeron yarımadasında noyabrın 19-da hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.

ŞAD XƏBƏR: Bu şəxslərə əlavə ödəniş ediləcək

Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.