banner
banner

Sosİal

İki qurumun təhvil-təslim davası - sakinlər sayğacsız qaldı

İki qurumun təhvil-təslim davası

“Azərenerji” ASC-nin səlahiyyətlərinin “Azərişıq” ASC-yə verilməsi Abşeron sakinləri üçün əməlli-başlı problemə çevrilib.

Arqument.az-ın məlumatına görə, iki qurum arasında təhvil-təslim prosesi getdiyindən sakinlər sayğacla təmin olunmayıb, xidmət müvəqqəti dayandırılıb.

Abşeron rayon sakini Murtuz Adıgözəlov əməkdaşımıza bildirib ki, hazırda heç bir evə sayğac qoyulmur: “Cənab Prezidentin sərəncamı ilə “Azərenerji”nin səlahiyyətləri “Azərişıq”a verildi. Təhvil-təslim iki ay davam etməlidir. Bu müddət ərzində biz sayğacsız qalmışıq, sənədləşmə də aparılmır. Heç bir qurum bunu öz öhdəsinə götürmür. İdarəyə getdikdə isə “gözləyin” deyirlər”.

Məlumata görə, təkcə Abşeron rayonu ərazisində 400-dən çox abonent var ki, sənədləri hazır olsa da, sayğacla təmin olunmayıb.

Məsələ ilə əlaqədar “Azərişıq” ASC-nin mətbuat xidmətini rəhbəri Tanrıverdi Mustafayev Arqument.az-a açıqlamasında problemin, təhvil-təslim işlərinin yaxın vaxtlarda yekunlaşacağını bildirdi.



Daha tez məlumatlanmaq üçün Facebook səhifəmizi




Oxşar xəbərlər

Evini kirayə verənlərin nəzərinə!

Fiziki şəxs kirayə gəlirindən vergi ödəyərkən xərclərini çıxmaqla vergini özü hesablamaq və ödəmək hüququ əldə edir, bunun üçün vergi uçotuna düşərək vergi orqanına və kirayəçiyə məlumat verməlidir.

Sabah 20 dərəcə isti olacaq - PROQNOZ

Bakıda və Abşeron yarımadasında noyabrın 19-da hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.

ŞAD XƏBƏR: Bu şəxslərə əlavə ödəniş ediləcək

Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.