“Jurnalist binaları”nda “evpulu” aşağı salınıb? - AÇIQLAMA
Bakının Bibiheybət qəsəbəsində tikilmiş “Jurnalist binaları”nda xidmət ödənişinin (“evpulu”) yüksək olması barədə dəfələrlə narazılıqlar səsləndirilib. Bu günlərdə bəzi jurnalistlər sosial şəbəkələrdə xidmət ödənişlərinin endirildiyi barədə məlumatlar yayıblar. Hətta bu təşəbbüsün Kütləvi İnformasiya Vasitələrinin İnkişafına Dövlət Dəstəyi Fondunun (KİVDF) yeni rəhbərliyinə məxsus olduğunu iddia edənlər var.
Modern.az məsələ barədə rəy almaq üçün KİVDF ilə əlaqə saxlayıb. Fondun mətbuat xidmətindən bildirilib ki, “Jurnalist binaları”nda xidmət ödənişlərinin endirilməsi barədə hər hansı qərar qəbul edilməyib:
“Bir yenilik olarsa, bu barədə ətraflı məlumat veriləcək”.
Qeyd edək ki, Bakıda xidmət haqqına görə ən bahalı yaşayış evləri olan “Jurnalist binaları”da “evpulu” 1 kvadrat metrə görə 50 qəpik müəyyən edilib. Bunu jurnalistlərin etirazına məhəl qoymayan KİVDF-nin əvvəlki rəhbərliyi həyata keçirib.
Bakının hətta mərkəzindəki evlərdə isə bu məbləğ hazırda 1 kvadrat metrə görə 30-35 qəpik təşkil edir.
Növbəti bir həftə ərzində Bakıda və Abşeron yarımadasında hava şəraitinin dəyişkən keçəcəyi, həftənin əvvəlində isə temperaturun kəskin enəcəyi gözlənilir.
Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.
Qış mövsümünün yaxınlaşması ilə daşınmaz əmlak və istilik sistemləri bazarında elektrikli kombilərə olan maraq əhəmiyyətli dərəcədə artıb. Xüsusilə təbii qaz xətti olmayan yeni yaşayış sahələrində, bağ evlərində və sənaye obyektlərində elektrikli kombilər əsas alternativlərdən birinə çevrilib.