banner
banner

Gündəm

Rusiya deputatı Aleksey Juravlyov Bərdədə: müharibənin vurduğu zərbələrin izləri onun gözü ilə...

Rusiya deputatı Aleksey Juravlyov Bərdədə:

“Yaşayış məntəqələrini bombalama əmrini verənlər cəzalandırılmalıdır”

Rusiya Federasiyası Dövlət Dumasının üzvü, “Rodina” Partiyasının sədri Aleksey Juravlyov Azərbaycana səfəri çərçivəsində Bərdə şəhərində olub. Məlum olduğu kimi, 44 günlük müharibə zamanı cəbhə xəttindən 40 km uzaqda yerləşən Bərdə şəhəri oktyabrın 28-də Ermənistan ordusu tərəfindən raket atəşinə tutulub. Nəticədə 5-i qadın olmaqla, 22 mülki şəxs həyatını itirib, 70 adam yaralanıb, 30-dan çox mülki obyekt, 20-dən çox yaşayış evi dağıdılıb; o cümlədən, 22 nəqliyyat vasitəsinə ziyan dəyib.

Müharibə vaxtı intensiv şəkildə “Toçka U” və “Smerç” raket zərbələrinə məruz qalmış şəhər mərkəzi meydanı və bazarında olan rusiyalı deputat bildirib ki, bunlar avtomatdan atılmış təsadüfi güllələr deyil, hərbi cinayətdir və buna görə cinayətə məsul olan siyasi və hərbi rəhbərlik cavab verməlidir. Daha sonra Dövlət Dumasının deputatı birbaşa raket zərbəsi nəticəsində tamamilə dağılmış restoranda olub.

Qeyd etmək lazımdır ki, raket xarici jurnalistlərin ora gəlməyinə 30 dəqiqə qalmış bu obyektə düşmüşdü.

Bərdə şəhərinə səfərinin sonunda Juravlyov oğlunu itirmiş ailəyə baş çəkib. Raket onların həyətinə düşmüş və gənc oğlanı xilas etmək mümkün olmamışdı. Deputat bu ailəyə başsağlığı verərək, günahkarların müvafiq cəza alacaqlarına ümidini bildirib.

Gördüklərindən sarsılan deputat bunları bildirib: “Aydın görünür ki, yaxında olan hərbi obyektlər şəhərdən onlarla kilometr kənarda yerləşir. Bu, atəş haqda əmr verənlərin dinc əhaliyə qarşı düşünülmüş surətdə zərbə vurduqlarını göstərir. İstintaq aparılmalı və bütün günahkarlar cəzalandırılmalıdır”.



Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.