banner
banner

Sosİal

QMİ-dən əhaliyə Ramazan MÜRACİƏTİ: Bunları etməyin...

QMİ-dən əhaliyə Ramazan MÜRACİƏTİ:

"Ramazan ayı bu il də pandemiya dövrünə təsadüf edəcək. Bu səbədən Ramazan ayının ayinləri karantin rejminin şəraiti nəzərə alınmaqla keçirilməlidir. Karantin rejiminin əsas şərti isə insanların təmaslarının minimuma endirilməsi və kütləvi tədbirlərdən çəkinməkdir".

Bu sözləri BAKU.WS-ə Qafqaz Müsəlmanları İdarəsinin (QMİ) səlahiyyətli nümayəndəsi, “Məşhədi Dadaş” məscidində imam-camaatı Hacı Şahin Həsənli bildirib.

O əlavə edib ki, Ramazan ayında insanlar əsasən iftar süfrələrinə toplaşır: "Təbii ki, qaydalar çərçivəsində ictimai iyaşə obyektlərində insanlar iftar aça bilir. Amma kütləvi şəkildə insanların qapalı yerdə toplaşması məqsədəuyğun deyil.

Tövsiyyə edirəm ki, kütləvi iftar məclislərindən insanlar çəkinsinlər və mümkün qədər təmaslarını azaltsınlar. Kütləvi iftar məclislərinə xərclənən vəsaiti isə digər xeyriyyə məqsədlərinə sərf etmək olar. Ehtiyaclı insanlara yardım etmək olar, təhsil haqqını verə bilməyən gənclərə kömək etmək olar. Digər xeyriyyə tədbirlərinə bu vəsaiti xərcləmək olar.

Bir daha tövsiyyə edərdim ki, ayinlər kütləvi şəkildə icra olunmasın. Yəqin ki, karantin rejiminin şərtlərinə uyğun olaraq dini ayinlər məscidlərdə canlı yayım vasitəsilə icra olunacaq və insanlar öz evlərindən bu ayinlərə qoşula biləcəklər.

Əgər o zamana qədər dəyişiklik olmazsa, Qədr gecəsinin ayinləri canlı yayımla icra oluna bilər. Başqa şəkildə bunların qeyd olunmasını məqsədəuyğun hesab etmirəm. Çünki bu, yoluxmaların sayını artıra bilər. Dinimiz bizə öz sağlamlığımızı, başqa insanların sağlamlığını qorumağı tövsiyyə edir. Həm dinin hökmü və sağlam ağıla əsaslanaraq bu tədbirləri geniş şəkildə qeyd etməməliyik".

 


Daha tez məlumatlanmaq üçün Facebook səhifəmizi




Oxşar xəbərlər

Evini kirayə verənlərin nəzərinə!

Fiziki şəxs kirayə gəlirindən vergi ödəyərkən xərclərini çıxmaqla vergini özü hesablamaq və ödəmək hüququ əldə edir, bunun üçün vergi uçotuna düşərək vergi orqanına və kirayəçiyə məlumat verməlidir.

Sabah 20 dərəcə isti olacaq - PROQNOZ

Bakıda və Abşeron yarımadasında noyabrın 19-da hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.

ŞAD XƏBƏR: Bu şəxslərə əlavə ödəniş ediləcək

Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.