banner
banner

Gündəm

Birinci doza “Sinovac”dırsa, ikincisi fərqli ola bilər? - RƏSMİ AÇIQLAMA

Birinci doza “Sinovac”dırsa, ikincisi fərqli ola bilər? - RƏSMİ AÇIQLAMA

Məlum olduğu kimi, bu gündən Azərbaycanda COVID-19 infeksiyasına qarşı ikinci peyvəndin - “Vaxzevria”nın (“AstraZeneca” firmasının istehsalı) tətbiqinə başlanılıb. Bakı şəhəri ilə yanaşı 6 regionda - Lənkəran, Şəki, Gəncə, Mingəçevir, Abşeron və Sumqayıtda tətbiq olunacaq peyvənd ilkin olaraq 60 yaş və daha yuxarı şəxslərə vurulacaq. Bununla paralel yanvar ayının 18-dən etibarən ölkədə həm də “Çinin “Sinovac” firmasının “Coronavac” vaksini tətbiq olunur.

Ölkədə hər iki vaksinin tətbiqi əhali arasında bəzi suallar yaradır. Birinci dozanı “Sinovac” peyvəndindən alan şəxslər ikinci dozada “AstraZeneca” ilə peyvənd oluna bilərmi?

“Qafqazinfo” bu suallara aydınlıq gətirmək üçün TƏBİB-lə əlaqə saxlayıb. Qurumdan sorğuya cavab olaraq bildirilib ki, vaksinləri qarışdırmaq olmaz: “Birinci doza hansı vaksin vurulubsa, ikinci doza da eyni vaksin vurulmalıdır”.

TƏBİB-dən həmçinin qeyd edilib ki, birinci və ikinci dozalar eyni miqdarda vurulur.

Xatırladaq ki, bu gündən tətbiqinə başlanılan “COVAX” platforması çərçivəsində Azərbaycana 84 000 doza “Vaxzevria” peyvəndi gətirilib. Buna qədər isə Azərbaycanla Çin arasında 5 milyon doza “Sinovac” firmasının “Coronavac” peyvəndinin gətirilməsilə bağlı müqavilə imzalanıb və vaksinin bir partiyası ölkəyə gətirilib. İndiyə qədər isə ölkədə hər iki dozada vaksin olunanların sayı 541 min 715 nəfərdir. Ölkə üzrə ümumilikdə 1 milyon 516 min 923 doza vaksin vurulub.

 


Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.