banner
banner

Gündəm

Parlamentdə YAŞAT Fondu və fermerlərlə bağlı çağırış

Parlamentdə YAŞAT Fondu və fermerlərlə bağlı çağırış

Milli Məclisin növbəti plenar iclası Sahibə Qafarovanın sədrliyi ilə öz işinə başlayıb. Cari məsələlərə ayrılan vaxt ərzində çıxış edən deputat Anar İsgəndərov YAŞAT Fondunun fəaliyyətindən bəhs etdi. Onun sözlərinə görə, Azərbaycan tarixində ilk hadisəydi ki, YAŞAT Fondunun yaradılmasından iki həftə sonra şəhid ailələrinə, qazilərimizə ciddi dəstək göstərməyə başladı. Bu gün YAŞAT Fondunun xəttilə bütün dünyada marafon keçirildiyini deyən A.İsgəndərov dünya azərbaycanlılarının bu marafonda aktiv iştirak edəcəyinə əminliyini ifadə etdi.

Deputat Elman Nəsirov çıxışında deputatı olduğu Cəlilabad rayonu ilə bağlı məsələlərdən bəhs etdi. İlk olaraq fermerləri narahat edən məsələlərdən danışdı. Bildirdi ki, onlar bu il çox böyük əziyyətlə kartof yetişdiriblər, ancaq məhsulu Rusiya bazarına çatırmaqda problemlər var. “Cəlilabadda 5400 ha ərazidə kartof əkilib və yaxşı kartof var. Amma fermerlərimiz bu məhsulu bazara çıxara bilmir. Samur gömrük postunda yüzlərlə TIR-lar dayanıb”. E.Nəsirov Dövlət Gömrük Komitəsinə müraciətlə bu məsələ ilə bağlı operativlik göstərməyə çağırdı. Bildirdi ki, əks halda məhsullar məhv olacaq.

E.Nəsirov Cəlilabadın kəndlərinin yol problemindən də bəhs etdi. “Təsəvvür edin ki, Cəlilabada getmək üçün 2 saat vaxt lazımdır. Amma Cəlilabaddan Cəlilabadın bəzi kəndlərinə getmək üçün də 2-2,5 saat vaxt lazımdır”, deputat bildirdi.



Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.