banner
banner

Gündəm

Azərbaycan Gorus-Qafan yolunu bağlayıb?

Azərbaycan Gorus-Qafan yolunu bağlayıb?

Ermənistanın sosial şəbəkələrində yayılan məlumatı ölkənin Milli Təhlükəsizlik Xidməti və ombudsmanı təsdiqləyib.

Söhbət işğal dövründə Ermənistanın Azərbaycan ərazisindən çəkdiyi Qafan-Gorus avtomobil yolunun bağlanmasından gedir. 10 noyabr razılaşmasından sonra Azərbaycan tərəfi yolun ölkəmizin ərazisindən keçən 20.km-ə.yaxın hissəsindən ermənilərin istifadəsinə icazə vermişdi. Bu barədə Prezident İlham Əliyev də çıxışlarında məlumat verib.

Dünən axşamdan Azərbaycan sərhədçiləri hər iki tərəfdən yolu gediş-gəliş üçün bağlayıblar. Ermənistan Müdafiə Nazirliyi və Rusiya sərhədçilərinin iştirakı ilə aparılan danışıqlardan sonra Azərbaycan tərəfi yolda qalan maşınların çıxmasına icazə verib. Lakin yolu açmayıb.

Ermənistan Milli Təhlükəsizlik Xidmətinin yaydığı məlumata görə, 25 avqust gecə 23:00-da azərbaycanlılar Qafan-Gorus yolunun Karmrakar-Şurnux hissəsini bağlayıblar. Yolda qalan nəqliyyat vasitələri evakuasiya olunub. Yol hələ də bağlıdır. Danışıqlar gedir.

Ermənistanın ombudsmanı Arman Tatoyan isə dərhal özünü əraziyə çatdırıb. O, hadisə ilə bağlı beynəlxalq təşkilatlara məlumat göndərdiyini açıqlayıb.



Daha tez məlumatlanmaq üçün Facebook səhifəmizi




Oxşar xəbərlər

Məkkə sazişi qüvvəyə minib

Türkiyə, Pakistan və Səudiyyə Ərəbistanı arasında 7 avqust 2026-cı ildə Məkkədə imzalanan "Birgə Müdafiə üzrə Məkkə Sazişi"nin təsdiq edilməsi məqsədəuyğun hesab olunub.

COP31: Leyla Əliyeva mühüm müzakirələrdə iştirak edib

IDEA İctimai Birliyi və BMT-nin Məskunlaşma Proqramının (UN-Habitat) tərəfdaşlığı ilə BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) çərçivəsində "Təmiz hava, sağlam şəhərlər: Şəhərsalmadan iqlim fəaliyyətinə" mövzusunda tədbir təşkil edilib.

İlham Əliyev "Avropa Siyasi Birliyi"nin 9-cu Zirvə Toplantısı çərçivəsində dəyirmi masada iştirak edib

Azərbaycan Respublikasının Prezidenti İlham Əliyev noyabrın 12-də Dublində "Avropa Siyasi Birliyi"nin 9-cu Zirvə Toplantısı çərçivəsində keçirilmiş "Rəqabətqabiliyyətli Avropanın yaradılması - innovasiya, bağlantılar və əlçatan enerji" ("Building a competitive Europe – innovation, connectivity and affordable energy") mövzusunda dəyirmi masada iştirak edib.