banner
banner

Sosİal

Azərbaycanda 10 milyon əhalinin 35 faizi cavandır

Azərbaycanda 10 milyon əhalinin 35 faizi cavandır

“Azərbaycanda yaşlı əhalinin iqtisadi aktivlik indeksi ilə bağlı metodologiya hazırlanıb və hökumətə təqdim edilib”.

Cia.az-ın məlumatına görə, bunu BMT-nin Əhali Fondunun Azərbaycan nümayəndəliyinin rəhbəri Fərid Babayev bildirib.

Onun sözlərinə görə, aktivlik indeksi əhalinin yaşlı təbəqəsinin hansı formada və necə aktivliyini nümayiş etdirir: "Məqsəd yaşlı şəxslərin evdə oturması, nəvələri ilə vaxt keçirməsi, heç nə etməməsi kimi stereotiplərini qırmaqdır. Bizə yaşlıların aktivlik indeksi lazımdır ki, onların hansı istiqamətdə işlər görməsinin mümkünlüyünə baxaq və müqayisə edək. Məsələn, 2021- ci ildə bu indeks 5, 2025-ci ildə 7 olacaqsa, demək, inkişaf var. Gələn il Dövlət Statistika Komitəsinin bu indeksi təqdim edəcəyi gözlənir".

F. Babayev deyib ki, region ölkələri ilə müqayisədə Azərbaycan yaşlı əhali sayına görə orta səviyyədədir: "Amma regionun başqa problemi cavan təbəqənin çox olmasıdır. Azərbaycanda 10 milyon əhalinin 35 faizi cavandır. Ermənistanda isə 2,5 milyon əhalinin 20 faizi cavandır. Ümumi strukturda Azərbaycanda yaşlıların sayı azdır. Amma cavanların iqtisadi aktivliyi azdırsa, yaşlı şəxslərin sayı artacaq. Ermənistanda bunu müşahidə edirik, cavan əhali arasında iqtisadi aktivlik az və yaşlı əhali çoxdur".

F. Babayev qeyd edib ki, yaşlı əhali arasında iqtisadi aktivliyin artırılması planlaşdırılır: "Dövlət 65 yaşdan yuxarı şəxslərin pensiyaya çıxmasını müəyyən edir, onlarla bağlı müəyyən məhdudiyyətlər olur. Biz istərdik ki, həmin yaşlı şəxslər üçün hansısa imkanlar yaradılsın və onlar ekspert, konsultant kimi iqtisadiyyata dəstək versin. Beləliklə, onlar istehlakçıdan çıxıb iqtisadiyyata töhfə verəcəklər və passiv yaşlı əhalinin sayı azalacaq".



Daha tez məlumatlanmaq üçün Facebook səhifəmizi




Oxşar xəbərlər

Evini kirayə verənlərin nəzərinə!

Fiziki şəxs kirayə gəlirindən vergi ödəyərkən xərclərini çıxmaqla vergini özü hesablamaq və ödəmək hüququ əldə edir, bunun üçün vergi uçotuna düşərək vergi orqanına və kirayəçiyə məlumat verməlidir.

Sabah 20 dərəcə isti olacaq - PROQNOZ

Bakıda və Abşeron yarımadasında noyabrın 19-da hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.

ŞAD XƏBƏR: Bu şəxslərə əlavə ödəniş ediləcək

Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.