Bu gündən Bakı şəhəri və digər ərazilər üzrə istiliyin verilməsinə başlanılır.
Bu barədə Cia.az-a “Azəristiliktəchizat” ASC-nin Abonent və Müştəri Xidmətlərinin rəisi Rafiq Əliyev məlumat verib.
O bildirib ki, artıq dünəndən “Azəristiliktəchizat” tərəfindən qazanxana və istilik mərkəzlərinin işə salınması ilə bağlı ərazilərə xidmət göstərən istilik-istismar müəssisələrinə göstəriş verilib: “Dünən səhərdən qazanxanaların işə salınmasına başlanılıb. Əlavə olaraq bildirirəm ki, havaların soyuq keçməsi ilə əlaqədar olaraq internat məktəbləri, bəzi xəstəxanalara, sosial obyektlərə vaxtından əvvəl istiliyin verilməsi ilə bağlı müraciət edilmişdi. Onların qazanxanaları artıq işləyirdi. Digər qazanxanaların da bu gün qrafikə uyğun olaraq gün ərzində işə salınması təmin olunacaq. Ümumilikdə qurumun 559 qazanxana və 90 istilik məntəqəsi bu gündən normal rejimdə çalışacaq”.
Növbəti bir həftə ərzində Bakıda və Abşeron yarımadasında hava şəraitinin dəyişkən keçəcəyi, həftənin əvvəlində isə temperaturun kəskin enəcəyi gözlənilir.
Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.
Qış mövsümünün yaxınlaşması ilə daşınmaz əmlak və istilik sistemləri bazarında elektrikli kombilərə olan maraq əhəmiyyətli dərəcədə artıb. Xüsusilə təbii qaz xətti olmayan yeni yaşayış sahələrində, bağ evlərində və sənaye obyektlərində elektrikli kombilər əsas alternativlərdən birinə çevrilib.