Bu gündən etibarən mayın 15-dək əvvəlki illərdə ümumtəhsil məktəblərində oxuyub ümumi orta və tam orta təhsilini bitirə bilməyən şagirdlər üçün eksternat qaydasında imtahanlar keçiriləcək. Eksternat imtahanları Bakıdakı 45 nömrəli tam orta məktəbdə reallaşacaq. Bu barədə Bakı Şəhəri üzrə Təhsil İdarəsindən (BŞTİ) bildiriblər. İmtahana qeydiyyat aprelin 1-dən 20-dək aparılıb və ərizələri BŞTİ tərəfindən qəbul olunmuş eksternlər mayın 6-dan 8–dək 45 nömrəli tam orta məktəbdən imtahana buraxılış vərəqələrini əldə edə biliblər. İmtahana gələrkən şəxsiyyət vəsiqəsinin əslinin gətirilməsi vacibdir.
Fiziki şəxs kirayə gəlirindən vergi ödəyərkən xərclərini çıxmaqla vergini özü hesablamaq və ödəmək hüququ əldə edir, bunun üçün vergi uçotuna düşərək vergi orqanına və kirayəçiyə məlumat verməlidir.
Növbəti bir həftə ərzində Bakıda və Abşeron yarımadasında hava şəraitinin dəyişkən keçəcəyi, həftənin əvvəlində isə temperaturun kəskin enəcəyi gözlənilir.
Azərbaycan qanunvericiliyinə əsasən, ölkənin müxtəlif bölgələrində çalışan işçilərin əməkhaqlarına əlavələr bütöv inzibati rayon üzrə deyil, əsasən ərazinin coğrafi hündürlüyünə, strateji əhəmiyyətinə və sosial-iqtisadi ehtiyaclarına görə tənzimlənir.